انا مين !!!

عضومميز عدد الرسائل: 1232

مساء الفل على كل اعضاء المنتدى

انا قولت نغير جو كرسى الاعتراف ونجيب حاجة تانيه

بس يارب الفكره تعجبكم

[b]
_________________

[/b]

مرحبا بكم اعزائي الاعضاء في لعبة (أنا مين)

انا مين..لعبة طريقتها كالتالي:

1- تم دخول احد الاعضاء الى المنتدى باسم(أنا مين)
2-التعرف على العضو يكون من قبلكم..وذلك بطرح اسئلة متنوعة تمكنكم من الوصول الى الشخصية
الحقيقية للعضو.
3-العضو الذي يتمكن من التعرف على العضو(أنا مين) سيحصل على وسام اللعبة ..لمدة أسبوعين..
(أو) حتى يتم التعرف على (أنا مين) آخر.
4-يمكنم طرح جميع انواع الاسئلة باستثناء الاسئلة التي تعرفكم على شخصية العضو مباشرة :
(الاسم-العمر-العمل-المدينة واسم الدولة)
ويفضل أن تكون الاسئلة داخل اطار المنتدى.او أسئلة عامة تتعلق العضو.
5-يفضل عدم اسئلة العضـــو اكثــر من سؤالين فى المشـــاركــة الواحدة
6-يحق لكل عضو أن يحزر الاسم الصحيح مرة واحدة فقط.
7-والاسئلـــة تكون فى نطاق المنتدى
مثلا - ما هو القسم المفضل لديك
ها انت مشــرف ام عضـــو
ولكن ليس معـــنى ذلك ان تسال هل انت مشرف قسم ايه
ومثلا ما هو اقرب الاعضاء اليك
وهذا مثال للاسئلـــة
وانا طبعا مش هســــأل العضو ( انا مين ) لانـــى هكون عارف مين هو
انا هختار عضو من الاعضـــاء بعد اكتشاف العضو ( انا مين ) وساختار عضو اخــر يكون ( انا مين )
وهكذا ستكون اللعبة
اما العضو الذى يدخل بالنك نيــم ( انا مين ) ساعطــى له الباسورد فى رسالة خاصـــه
وعندما يكتشفـــه احد الاعضــاء سادخل على اسمه لاغير

الباسورد واعطيع لعضو اخـــر للذى سيقوم بشخصية ( انا مين )
اتمنى قد كنت شرحت اللعبة
اما العضـــو انا مين عليه ان يجاوب جميع الاسئلـــة بكل صراحــــة
7-اي استفسارات وتساؤلات..سأكون متواجد لاجابة

انتظر منكم اشارة البداية ..حتى يسمح لـ(أنا مين) بالدخول..
تحيات
الباشا تلميذ

عضو جامد مزاجى: عدد الرسائل: 567

فكره جميله ........ هيا صعبه صحيح بس حلوه

انت يا ( انا مين ) .........

ايه اكتر مواضيع بتحب تكتبها او بتحب ترد عليها ؟

مين صديقك الانتيم فى المنتدى ... او اكتر واحد تعرفه شخصيا ؟

وهعرف هو مين يا توحه يعنى هعرف ....... هههههههههههههههههه

عضومميز عدد الرسائل: 1232

ههههههههههههههههههههههههه . يا حماده يا طايش انا لسه مشوفتش العضو انا مين .

عشان نقول ابدا .

وبعدين انت مش عايز تعرفه وانت بتقوله مين صديقك الانتيم او اقرب واحد ليك ههههههه منت لازم تعرفه ياخويه . اقرا كويس اللعيه بتقول ايه

انا بس عايز اتنين تلاته من الاعضاء تشارك معانه عشان نبدا .

عضو جامد مزاجى: عدد الرسائل: 567

مااااااااااااااااشى يا خويا

ابقى كلمنى قولى

ههههههههههههههههههههههههههه

وحيات ........ لموريك ....... لما اشوفك بس

ههههههههههههههههههههههههههه

طيب متقولنا ياعم اننا حنلعب استغمايه
ههههههههههههههههههه
خلاص انا معاك ومستني البدايه

NEW MEMBER عدد الرسائل: 44

خلاص ياجماعه انا عملت الاسم ( انا مين ) وهخلى العضو اللى هيكون معانه يخش بيه

نبدا ........................ بيسااااااااااااااااااااات بس كنا عيزين عضوين كمان يخشه معانه فى اللعبه

تحياتى

الباشا تلميذ

موضوع: رد: انا مين !!! الخميس أكتوبر 29, 2009 1:56 am

GOOOOOOOOOO!!!

عضو جامد عدد الرسائل: 501

اووووووووووك فكرة جامدة يامدحت
انا معاكوا اكيييد ان شاء الله
انتوا بس قولوا نبدأ وانا هعررررررفه
مايجيبها الا دودوووووووووو

عضومميز مزاجى: عدد الرسائل: 1131

الله عليك يا رايق بجد لعبه حلوه اوى واحلى حاجه فيها غموضها

انا معاك اهوه ومستعد لبدا اللعبه بس انت قول نبداااااااااااااااااا

عضو نشيط مزاجى: عدد الرسائل: 326

انا فضلت كتير على ما فهمت اللعبه دى بس المهم انى فهمت ياللا كلنا جاهزين

عضومميز عدد الرسائل: 1232

كده تمااااااااااااااااااااااااام اوى يا جماعة والاعضاء كده تمام ومستنين باقى الاعضاء برده تشارك معانه

والعضو انااااااااااا مين جاااااااااااااااااااااااااااااااااااهز لاى سؤال من الاعضاء .

ونقوووووووووووووول ابدا

عضومميز مزاجى: عدد الرسائل: 1131

قشطه

اخيرااااااااااااااا هنبتدى فى الاسئله

1_ايه رايك فى منتدى بوند؟

2_اكتر قسم بتحبه ايه هو ؟

موضوع: رد: انا مين !!! الخميس أكتوبر 29, 2009 5:56 am

ايه رايك ف الحب
تاني سؤال ايه رايك في نسمه حنان
وفي برنسيس دودو

NEW MEMBER عدد الرسائل: 44

mazikaaa كتب:

1_ايه رايك فى منتدى بوند؟
احلى منتدى بس محتاج شويه علشان يكون برفكت.

2_اكتر قسم بتحبه ايه هو ؟
بيت العيله

NEW MEMBER عدد الرسائل: 44

معالى الباشا كتب:

ايه رايك ف الحب
اجمل عذاب فى الكون
تاني سؤال ايه رايك في نسمه حنان
وفي برنسيس دودو
اشمعنى الاتنين دول عموما هما اعضاء كويسين وجامدين فى مواضيعهم.

عضومميز عدد الرسائل: 1232

هههههههههههههههههههههههههههههههههههههه

والله حوااااااااااااار جميل يا جماعه .

ياترى فى حد هيعرف مين انا مين .

ده اللى هنشوفه . هههههههههههه

ابقوووووووووووو معناااااااااااااااااا

عضومميز مزاجى: عدد الرسائل: 1131

ماشى اجابات منطقيه وحلوه وان شاء الله تساعدنا كتير ان احنا نتعرف عليك

معلش ان كنت هرخم بس الفضول هيقتلنى وعاوز اعرف من الشخصيه دى

1_ممكن نعرف انت عضو ولا عضوه لو مكنش يضايق السؤال ؟

2_انت خرجت من منتدى بوند قبل كده ورجعتله تانى ؟

عضو نشيط مزاجى: عدد الرسائل: 326

مساء الخير انا عندى ليك اسئله كتير بس نبتدى الاول

والسؤال الاول بيقول ايه رأيك فى منتدى الرومانسيه ؟
وندخل على السؤال التانى وايه هو اكتر موضوع عجبك فى المنتدى؟

عضومميز عدد الرسائل: 1212

موضوع جامد جدا يامدحت وانا ان شاء الله معاكوا

وانا عندي شوية اسئلة ودا اولها

أصعب المواقف اللي مريت بها ؟

اكتر عضو بترتاح لة في المنتدي؟

عضو سوبر مزاجى: عدد الرسائل: 6748

[size=18]
وانا معاكوا طبعا كالعاده
وابداء

1- تحب تسهر فين لو انت كنت فى القاهره ؟؟

2- ايه الاكله المفضله ليك ؟؟
[/size]

عضو جامد عدد الرسائل: 721

فكرة جامدة اخر حاجة يا تووووووووووحة
وديما متألق في افاكارك

واكيد انا معاكو في اللعبة دي
واحب اقول للعضو انا مين وليكمـ فور يوم
واتمني اني اشوف ردك علي ترحيبي ؟؟؟

يا اخي منتدي بتاعنا كل كلامه في نقاش عن علاقة البنت بالشاب
انا عايز اسمع كلمتين حلوين من بقكـ اختصار للموضوع ده

انا عارف انك بتحب الاسئلة وخاصة لما تكون مثيرة للجدل
بس هسيبك الوقتي لان انا عاذرك في ناس كتيرة مستنياك ؟؟
هههههههههههه

خارج علي الانون

عضو جامد مزاجى: عدد الرسائل: 567

يابن الايه يا زيكووووووووووووووووووو

شكلك هتعرفه يا حلو

ايه رأيك يا عم مدحت .......... شكلنا قربنا نعرف

ايه يا حاج ( انا مين ) ... ايه يا حاجه ( انا مين ) انت تاعبنا ليه كده

ممكن تفولى بقه .........

مين اكتر عضو حسيت ان مواضيعه حلوه .......

ايه حلمك فى الحياه اللى نفسك تحققه .................

اسمك ايه ؟؟؟؟ هههههههههههههههههههههههههه ......... بهزر

موضوع: رد: انا مين !!! الخميس أكتوبر 29, 2009 1:09 pm

جاااااامده يا مدحت اللعبة بجد تسلم ايدك

وانا هشارك معاكوا فيها

وهسال بقى العضو انا مين سؤالين كده

- لو حصل مشكلة بينك وبين عضو هنا فى المنتدى وكانت مشكلة كبيرة يعنى

هتتصرف ازاى هتسيب المنتدى ولا ايه ؟ وهل ده حصل قبل كده ولا لا ؟

- ايه اكتر انواع المواضيع اللى بتعجبك

اللى فيها مناقشة او المواضيع العامة او الرومانسية او الاسلامية ؟

ونشوف رد العضو انا مين ويارب اعرف انت مين مع انها صعبة اوى

عضو جامد عدد الرسائل: 501

ياااااااااااه انت قدامك مشوار يا(انا مين ) عندك اسئلة كتير

وانا هعطف عليك ومش هسألك ناو الا لما تلحق ترد ع الاسئلة دى

واكون جهزتلك سؤالين حلوين كدة

NEW MEMBER عدد الرسائل: 44

mazikaaa كتب:

1_ممكن نعرف انت عضو ولا عضوه لو مكنش يضايق السؤال ؟
السؤال ده المفروض انت اللى تجاوب عليه

2_انت خرجت من منتدى بوند قبل كده ورجعتله تانى ؟
لا انا متخلتش باسمى خالص

NEW MEMBER عدد الرسائل: 44

matelda كتب:

والسؤال الاول بيقول ايه رأيك فى منتدى الرومانسيه ؟
[size=18]طالما فى منتدى بوند لازم يكون روعه
[/size]السؤال التانى وايه هو اكتر موضوع عجبك فى المنتدى؟
[size=18]كل مواضيع المنتدى بتعجبنى
[/size]

NEW MEMBER عدد الرسائل: 44

مظلوم الحب كتب:

أصعب المواقف اللي مريت بها ؟
انا مبمرش بمواقف صعبه المواقف الصعبه هى اللى بتمر بيا وبتضعف ادامى

اكتر عضو بترتاح لة في المنتدي؟
كل اعضاء المنتدى اخواتى وبحبهم

عضومميز مزاجى: عدد الرسائل: 1131

على فكره الاجابات مش واضحه خالص طيب ازاى هنعرف يعنى وبعدين اعضاء المنتدى كتير مش لازم نعرف العضو ولد ولا بنت والا اللعبه هتفضل شغاله كده ومحدش هيعرف حاجه دا رايى

وعلى العموم يا انا مين هسالك تانى

انت مشترك على بوند من مده طويله ولا قصيره؟

انت ليك اصدقاء قريبيا اوى منك على المنتدى ؟ ولو ليك قولنا كام صديق كده؟

NEW MEMBER عدد الرسائل: 44

نسمه حنان كتب:

1- تحب تسهر فين لو انت كنت فى القاهره ؟؟
لو انا فى القاهره وعندى شقه على النيل احب اسهر فى البلكونه

2- ايه الاكله المفضله ليك ؟؟
لحمه مشويه ومكرونه ومحشى
[/size]

NEW MEMBER عدد الرسائل: 44

خارج على القانون كتب:

واحب اقول للعضو انا مين وليكمـ فور يوم
واتمني اني اشوف ردك علي ترحيبي ؟؟؟
منورنا يا باشا

يا اخي منتدي بتاعنا كل كلامه في نقاش عن علاقة البنت بالشاب
انا عايز اسمع كلمتين حلوين من بقكـ اختصار للموضوع ده
احنا فى عصر انفتاح يعنى مباقاش فى حاجه اسمها ولد وبنت كلنا مع بعض وكأننا من نوع واح واحد يعنى لا فى ولد ولا بنت كلنا واحد

انا عارف انك بتحب الاسئلة وخاصة لما تكون مثيرة للجدل
بس هسيبك الوقتي لان انا عاذرك في ناس كتيرة مستنياك ؟؟
هههههههههههه

خارج علي الانون

NEW MEMBER عدد الرسائل: 44

الفتى الطائش كتب:

مين اكتر عضو حسيت ان مواضيعه حلوه .......
كل الاعضاء هنا مستواهم عالى فى مواضيعهم

ايه حلمك فى الحياه اللى نفسك تحققه .................
[size=18]نفسى اعيش على مركبه كبيره وافضل طول عمرى فى عرض البحر[/size]

NEW MEMBER عدد الرسائل: 44

cutegirl كتب:

- لو حصل مشكلة بينك وبين عضو هنا فى المنتدى وكانت مشكلة كبيرة يعنى

هتتصرف ازاى هتسيب المنتدى ولا ايه ؟ وهل ده حصل قبل كده ولا لا ؟
لا مش هسيب المنتدى وهاحاول احل الموضوع

ودا محصلش قبل كده

- ايه اكتر انواع المواضيع اللى بتعجبك

اللى فيها مناقشة او المواضيع العامة او الرومانسية او الاسلامية ؟
كل المواضيع بتعجبنى

ونشوف رد العضو انا مين ويارب اعرف انت مين مع انها صعبة اوى

NEW MEMBER عدد الرسائل: 44

mazikaaa كتب:

على فكره الاجابات مش واضحه خالص طيب ازاى هنعرف يعنى وبعدين اعضاء المنتدى كتير مش لازم نعرف العضو ولد ولا بنت والا اللعبه هتفضل شغاله كده ومحدش هيعرف حاجه دا رايى

اوووك
انت مشترك على بوند من مده طويله ولا قصيره؟
مش طويله اوى ولا قصيره اوى

انت ليك اصدقاء قريبيا اوى منك على المنتدى ؟ ولو ليك قولنا كام صديق كده؟
لأ ماليش حد

عضو سوبر مزاجى: عدد الرسائل: 6748

بجد بجد اللعبه صعبه جدا
انا كنت فكرها اسهل من كده بصراحه
واسئلتى هى

1- ايه هى هوياتك ؟؟

2- انت عضو معروف اوى بين جميع الاعضاء ولا عضو عادى ؟؟

عضو جامد عدد الرسائل: 501

بصراحة انا مش قادرة احدد حاجة خالص يا ( انا مين )

اجاباتك مختصرة اوى ومش مبينة حاجة

ياريت توضح اكتر من كدة شوية عادى يعنى لان اصلا مجال الاسئلة ضيق وفى اطار معين

انت لازم تساعدنا فى الاجابات عشان نعرف

وميرسى لتعبك معانا طبعا واجاباتك

انا هسألك سؤال كدة لان اصلا مش لائية اسئلة بصراحة

انت تعرف نسمة حنان اسمها الحقيقى ايه ؟؟

او مش شرط نسمة حنان تعرف اى اسم من اسماء الاعضاء البنات الحقيقى؟؟

معلش هو سؤال غريب بس هيوضحلى حاجة وياريت تجاوب بصراحة

عضومميز عدد الرسائل: 1232

اممممممممممممممممممممممممممممممممممممممممممممممممم

احنااااااااا هنطلب من العضو انا مين يوضح شويه . بس بصراحه ياجماعه انا كنت طالب منه كده

عشان اللعبه تسخن شويه .

وهيه شكلها سخنت

هوة هيوضح شويه .0بس اللى خلاص خلص ومش عارف هو مين يقول .

وبكده هنخلى انا مين بنفسه يعرف نفسه .

ياااااااااااااااااااااترى انت مين يا انا مين

موضوع: رد: انا مين !!! الجمعة أكتوبر 30, 2009 3:50 am

انا هسالك سؤال واحد المرة دى

- اشتراكك فى المنتدى او النيك نيم بتاعك مكتوب بالعربى ولا بالانجلش ؟

ثانكس يا انا مين وهنعرفك هنعرفك ههههههههه

عضومميز عدد الرسائل: 1232

ياااا جماعه . العضو انا مين . هيرد على اى سؤال بكل وضوح خاالص

لما نشوف فى حد هيعرفة ولا لاء

واللى شاكك فى حد .

يقول عليه بس هتكون ليه مرة وحده بس ان يقول على عضو . ويقول هوة اختار العضو ده ليه

تماااااااااااااااام . وهنشوف الاعضاء هتقول ايه . ومش هنرد على حد ان هوة ده اللى اختاره

وهنخلى . العضو ( انا مين ) يعرف نفسه .

عضومميز مزاجى: عدد الرسائل: 1131

ما انى بنقوووووووووله كده يا رايق بس هو مش موافقنى مش عارف ليه

بس شكله هيسمع الكلام ويوضح

يالا نسال

انت مشرف ولا عضو ؟

انت من مواليد برج ايه؟

NEW MEMBER عدد الرسائل: 86

اولا انا بحييك يا توحه على الفكرة الحلو و اللذيذه دى
و بطلب من ( انا مين ) ان يكون صريح و واضح فى اجاباته
و الاسئله
1- ما هى هوايتك المفضله؟

2- ايه رايك فى الحب؟

عضو جامد مزاجى: عدد الرسائل: 567

انا شايف ان العضو ده بيجيب اجابات مش صح ....... او بطريقه تانيه اجابات عكس الصح

يعنى بيحاول يلف ويدور ....... واجابات مختصره جدا والاسئله محدوده اوى

مش عارف ...... انا شاكك فى عضو لكن الاجابات غير كده خالص

والاحسن انه يعرفنا بنفسه ..... ووقتها هتعرفوا ان اجاباته كلها مش الحقيقه

بس كده كده هنعرف فى الاخر

على كده بالاجابات دى نشك فى الالف عضو اللى فى المنتدى اللى اصلا نسبه بسيطه اوى منهم بتدخله

بس انت عارف يا ( انا مين ) انت مش عارف تلعبها صح

وانتى بنت ...... وابقو قولوا حماده قال

عضومميز مزاجى: عدد الرسائل: 1131

هههههههههههههههههههههههههه

الله عليك يا عسوله هو دا الكلام الصح من الراجل الصح فى المكان الصح

انتخبوا حماده فى مجلس الشعب

ههههههههههههه والله عندك حق ياعم انا مش عارف ايه ده

وبعدين الايام بتعدى وهو مش سريع فى اجاباته علشان نحاول نعرفه بقى علشان نغير ولا ايه

انا مش عارف اسال ولا لا بس مش هسال انا سال فوق ولسه مجويبش

بس حكايه بنت من ولد دى سيبها مفاجاءه لينا بقى

بس ادعى بقى معايه

يااااااااااااااااارب فكاها من عندك

عضومميز عدد الرسائل: 1232

ايه يا شباب براحه شويه . يمكن انا مين وراه حاجة . بس هوة موجود وهيرد

واحنا قولنا ان هيوضح كل حاجة .

صبرا يا طايش انت ومزيكا

لما نشوف لما يوضح هتعرفوه ولا لاء برده

NEW MEMBER عدد الرسائل: 44

ايه الهجوم ده انا بس ورايا حاجات كتير وبعدين مش مشكله انا مش زعلانه من حد
بس قبل ما اجاوب على اى سؤال .
هديكم نبذه مختصره عنى
انا بنت، دخلت المنتدى مابين اخر7وأول8
وبعدين انا اللى كان مطلوب منى انى اضللكم ودا اللى فهمته من اللعبه.
وانا فعلا معظم اجاباتى مختصره وفيها شئ من التزوير .
انا معرفش حد على المنتدى خالص قريب منى غير واحد بس ومش هقدر اقولكم عليه اعذرونى ليا اسباب شخصيه شويه.
وفعلا كل مواضيع المنتدى بتعجبنى وخاصة موضوع فضفضه ومأذون امنتدى دول بس.

NEW MEMBER عدد الرسائل: 44

نسمه حنان كتب:

1- ايه هى هوياتك ؟؟

انا بكتب شعر شاعره يعنى زى ما بيقولوا

2- انت عضو معروف اوى بين جميع الاعضاء ولا عضو عادى ؟؟
انا عضوه عاديه جدا

NEW MEMBER عدد الرسائل: 44

برنسيس دودو كتب:

انت تعرف نسمة حنان اسمها الحقيقى ايه ؟؟
ندى وانتى اسمك هايدى

كده كويس اظن

NEW MEMBER عدد الرسائل: 44

cutegirl كتب:

- اشتراكك فى المنتدى او النيك نيم بتاعك مكتوب بالعربى ولا بالانجلش ؟
english

NEW MEMBER عدد الرسائل: 44

mazikaaa كتب:

انت مشرف ولا عضو ؟
عضوه

انت من مواليد برج ايه؟
الثور

NEW MEMBER عدد الرسائل: 44

hamada_elrewsh كتب:

1- ما هى هوايتك المفضله؟
2- ايه رايك فى الحب؟
[size=18]اسئلتك متكرره يا ريت تغير

[/size]

عضومميز عدد الرسائل: 1232

هاااااااااااااااااااااااااااااااااااااااااا عرفته ولا لسه . انا بقول كده تمام . لو اتقال حاجة تانيه يبق يقول اسمه وخلاص بقة هههههههههه

.كده هنطلب من الاعضاء . انهااااا تقول العضو اللى مشكوك فيه ويقول ليه اختار ده بزات ؟

وبعد لما الكل يقول .

العضوة انا مين . هتخش تعرف نفسهااااااا .

بس ياريت حد يعرفة . شكلنا هيبق وحش .

معانه معالى الباشا . حقوق .
وحماده الطايش . يقولى هعرفه يعنى هعرفه
ومزيكا . بيقولى الموضوع ده شغلنى ولازم اعرفه
وندى. هتموت وتعرف ده مين
وهايدى . بتقولى ميعرفهاش اللى دودو
وامنيه . بتقول هنعرفك يعنى هنعرفك

والله يا شباب . هنشوف كل الكلام ده . فعلا صح . وفى حد هيعرفه قبل ميعرف نفسه

ده اللى هنشوفه .

ابقووووووووووووووووووووو معنااااااااااااااااااااااااا ههههههههه