Mr.smart عضو نشيط
عدد الرسائل : 285
| موضوع: حكاية سندريلا .. بس المصرية.. الأحد يناير 03, 2010 3:12 am | |
| دي حكاية سندريلا .. بس المصرية بقى . . .
وتقريبا .. على حسب المصادر التاريخية السرية بتاعتي .. انها كانت عايشة في ( طوخ القرموص - بلبيس - شرقية )
وتقول المصادر .. ان السندريلا عاشت ف الفترة من 1850 الى 1900 قبل الميلاد ..
و ... اشار مصدر مسئول .. على ان السندريلا ,,,,
و لا تعالوا نشوف ايه الحكاية ...
(( مرات الاب : بت يا سندريلا اصحى يا بت جاك خابط فى نفوخك سندريلا : اييييه يا مرات ابويا حقوم عالخمسة ... مرات الاب: قومى يا بت قامت قيامتك ... وصحيت سندريلا وهي بتأفأف...
مرات الاب : يالا قومي اكنسي وامسحي على ما نيجي سندريلا : وانتو رايحين فين ومتزوقين كده وكل واحده عامله نيو لوك مرات الاب : رايحين حفله الامييير اللي حيختار واحده عشان يتجوزها سندريلا : خدونى معاكو انا عاوزة اروح بليز مرات الاب : تروحي فين يا موكوسة بلبسك المهرول ده انا عايزة ارجع الاقي ....البيت بيبرق ومشيت مرات الاب وبناتها التلاتة وقعدت سندريلا تعيط وفجأة طلعتلها الساحرة من الميكروويف الساحرة : مالك يا سندريلا سندريلا : كان نفسي اروح معاهم الحفلة بس لبسي مقطع و موبايلى كارت ولابسة.... شبشب بصباع الساحرة : ولا يهمك وطلعت الساحرة من جيبها الموبايل وطلبت رقم الفون بتاع مدام لولو يبعتو فستان وجزمة اخر " موديل" فرحت سندريلا ولبست وحطط الايشادو والجليتور ورشت البرفان .... !!! بس الساحرة قالتلها : قدامك للساعه 12 لازم ترجعي انا صعيدية ودمة حامة ومعندش بنات تتأخر و لو اتأخرتى حترجعي زي ما كنتي بلبسك القديم وسط الناس سندريلا : حاضر حاضر خرجت سندريلا من البيت لقت الساحره مجهزة bmw ركبت سندريلا وراحت ع القصر ولفت جمالها كل اللي موجودين واول ما عين الامير وقعت عليها >>>> راح وطلب يرقص معاها ووافقت نظرات ... همسات ..... صمت > ترررررررررن ترررررررررررن سندريلا : ده الساحره بتديني ماسيج .. يا خبر الساعة 12>>وقامت>طالعة تجري قوم ايه وهي بتجرى فردة الجزمة اتخلعت ، خدها الامير المعجب ونادا للوزير الامير : يا وزير تامر الوزير : امرك مولاي الامير : خد الجزمة دي اسحبلي صورتها اسكانر ونزل صورتها في كل الجرايد و ع الويب سايت بتاع قريتنا واكتب الى صاحبة هذه الجزمة التوجهة للقصر الملكي .... ؟؟؟ بنات كتير جدا راحو و يا سبحان الله الجزمة مجتش على مقاس حد فيهم (ال يعنى > سندريلا رجليها رجل معزة ) الى ان شاهدت سندريلا الاعلان عن فردة الجزمة على ميلودي وقامت بالتوجه الى القصر وتزوجت هي والامير وعاشو فى تبات ونبات وخلفو توأم ملتصق وشويه بنات ..... ))
و اشار مصدر مسئول عن السندريلا .. ان ... ان ... ... ... ...
بس خلاص
(( لو عجبتك الحكاية قول .. و لو معجبتكش قول برده .. متدخلش تتفرج كده و خلاص خليك ايجابي و مش هندادي عشان تردوا يعني ))
| |
|
قصر الحب عضو نشيط
عدد الرسائل : 148
| موضوع: رد: حكاية سندريلا .. بس المصرية.. الخميس يناير 07, 2010 10:49 pm | |
| هههههههههههههههههههههههههه نايس قصه يا Mr.smart بس طلعت سندريلا من بلبيس وااااااااااااو ثااااااااااااااااااااااانكس | |
|
Mr.smart عضو نشيط
عدد الرسائل : 285
| موضوع: رد: حكاية سندريلا .. بس المصرية.. السبت يناير 09, 2010 7:13 pm | |
| هههه شكرا علي المرور يا قصر الحب
| |
|
Mysterious figure عضو نشيط
مزاجى : عدد الرسائل : 386
| موضوع: رد: حكاية سندريلا .. بس المصرية.. الأربعاء فبراير 10, 2010 8:17 pm | |
| ههههههه انا بقالي 20 سنة نفسي افهم هو مفيش حد كان مقاسه نفس مقاس سندريلا ههههههه ولا الحبكة الدرامية كانت عايزة كده بجد جااااامدة يامستر تسلم الاياااااااااادي
| |
|
Mr.smart عضو نشيط
عدد الرسائل : 285
| موضوع: رد: حكاية سندريلا .. بس المصرية.. السبت أبريل 10, 2010 12:24 pm | |
| | |
|