| المواجهه | |
|
+17الملاك stolen girls hearts برنسيس دودو ShaGgY cutegirl elkomande mohamed دودو New Paper ابن الجيران Mr.bOnD الفتى الطائش معالى الباشا matelda merna عاشق الغروب Mysterious figure mazikaaa 21 مشترك |
|
كاتب الموضوع | رسالة |
---|
mazikaaa عضومميز
مزاجى : عدد الرسائل : 1131
| موضوع: المواجهه الثلاثاء فبراير 16, 2010 6:27 pm | |
| السلام عليكم ورحمة الله وبركاته طبعا كلنا لسه راجعين من الامتحانات وانا واحد من الناس لما رجعت حسيت ان المنتدى جديد عليه بالاعضاء اللى فيه
لان الفتره اللى بعيدت فيها اشترك على المنتدى اكتر من عضو
ودا كمان بخلاف ان بعض الاعضاء بدات تتفاعل وتكون موجوده بشكل دائمودا كتير مكناش بنشوفه هنا
علشان كده وصلى احساس انى جديد على المنتدى لانى مش عارف مين الاعضاء دى
وعلشان كده فكرت فى توبيك من خلاله نتعرف على الشخصيات الجديده اللى معانا وهما كمان يعرفونا
وبصراحه لما فكرت فى التوبيك دا قولت ابحث عن الفكره ولقيت نفس الفكره على شكل توبيك جميل اوى قولت لازم يكون موجود
هنا
ودى فكره التوبيك
حوار صريح جدا
سوف نستضيف فى حوارنا
عضوين
سيتم الحوار بينهم
كل منهم يوجة أسالة للطرف الاخر
والطرف الاخر يرد عليها
بكل صراحة
فى جميعا لمجالات والحياه
كى نقترب جميعا من بعضنا ونغوص فى اعماقناسويا
ولكل
عضو
اسلوبه فى الحوار
وسوف اضع بعض شروط الحوار
كى يكون حوارا صافيا جميلا نستفاد جميعنا بة
ويكون موضوعا مميزا
لانه سيكون دائم بأذن الله
ستكون فترةاستضافة العضوين يومين بعدها سيتم استضافة عضوتين اخرتين او عضوين
يرجى الصدق فى الاجابة على اسئلة كلا من الطرفين
يرجى مراعاه أداب الحوارفهى تعكس شخصيتك
ان كنت احد اعضاء الحوار برجاء الاهتمام
وتواجدك باستمرار لان الجميع ينتظر اجابتك للتعرف عليك
يارب الفكره تعجبكم
بانتظار تفاعلكم
مع ارق واجمل تحياتى
mOhAmEd ShArF | |
|
| |
Mysterious figure عضو نشيط
مزاجى : عدد الرسائل : 386
| موضوع: رد: المواجهه الثلاثاء فبراير 16, 2010 6:51 pm | |
| حلووووووووووة قوي الفكرة يامحمد وهتساعد ف تقريب وجهات النظر كتير وهتخلي ف تفاعل اكتر بين الاعضاء تسلم ياقمر ع فكرة | |
|
| |
mazikaaa عضومميز
مزاجى : عدد الرسائل : 1131
| موضوع: رد: المواجهه الثلاثاء فبراير 16, 2010 10:44 pm | |
| - Mysterious figure كتب:
- حلووووووووووة قوي الفكرة يامحمد
وهتساعد ف تقريب وجهات النظر كتير وهتخلي ف تفاعل اكتر بين الاعضاء تسلم ياقمر ع فكرة طيب كويس انها عجبتك يا نونا
وطبعا كلامك صح هى فعلا هتساعدنا كتير
نورتى التوبيك ياقمر
| |
|
| |
عاشق الغروب عضو نشيط
مزاجى : عدد الرسائل : 129
| موضوع: رد: المواجهه الأربعاء فبراير 17, 2010 4:02 pm | |
| والله يا mazikaa انت جامد اخر حاجه بجد والله مواضيعك احسن من بعض تشكر يا كبير وانا اول واحد مستعد انى اكون فى الحوار ده تقبل تحياتى The subject of great عاشق الغروب | |
|
| |
merna عضو نشيط
مزاجى : عدد الرسائل : 107
| موضوع: رد: المواجهه الأربعاء فبراير 17, 2010 6:35 pm | |
| جميله الفكره دى مزيكا بما انى لسه داخله قريب عالمنتدى فانا احب اكون فى الحوار ده......... | |
|
| |
mazikaaa عضومميز
مزاجى : عدد الرسائل : 1131
| موضوع: رد: المواجهه الأربعاء فبراير 17, 2010 7:43 pm | |
| - عاشق الغروب كتب:
والله يا
mazikaa
انت جامد اخر حاجه
بجد والله مواضيعك احسن من بعض تشكر يا كبير
وانا اول واحد مستعد انى اكون فى الحوار ده
تقبل تحياتى
The subject of great
عاشق الغروب ربنا يخليك يا عاشق دا بس من ذوقك يا جميل
والله انا اللى مش عارف ارد على كلامك دا بس كل اللى ققدر ققوله نورتنى يا جميل | |
|
| |
mazikaaa عضومميز
مزاجى : عدد الرسائل : 1131
| موضوع: رد: المواجهه الأربعاء فبراير 17, 2010 7:51 pm | |
| - merna كتب:
- جميله الفكره دى مزيكا بما انى لسه داخله قريب عالمنتدى فانا احب اكون فى الحوار ده.........
ربنا يخليكى يا ميرنا
بجد نورتينى يا قمر | |
|
| |
matelda عضو نشيط
مزاجى : عدد الرسائل : 326
| موضوع: رد: المواجهه الأربعاء فبراير 17, 2010 8:14 pm | |
| حلوه اوى الفكره
اكيد طبعا هيكون فى تفاعلات جامده بين الاعضاء
لما تبدأو ابقوا قولولى علشان اشارك معاكم
تسلم مزيكا على الموضوع | |
|
| |
mazikaaa عضومميز
مزاجى : عدد الرسائل : 1131
| موضوع: رد: المواجهه الأربعاء فبراير 17, 2010 8:24 pm | |
| - matelda كتب:
حلوه اوى الفكره
اكيد طبعا هيكون فى تفاعلات جامده بين الاعضاء
لما تبدأو ابقوا قولولى علشان اشارك معاكم
تسلم مزيكا على الموضوع اهلا ماتيلدا نورتينا ياقمر
وان شاء الله قريب نبدا ونقول مين اللى هيكون معانا | |
|
| |
معالى الباشا عضومميز جدا
مزاجى : عدد الرسائل : 3815
| موضوع: رد: المواجهه الأربعاء فبراير 17, 2010 9:14 pm | |
| حبيب قلبي محمد شو حالك ياغالي وشو حال بقيت الحبايب يارب تكونوا بخير وفكره التوبيك هايله بجد وبتخلي الاعضاء يتعرفوا علي بعض اكتر ويفهوا بعض ميرسي ياباشا | |
|
| |
mazikaaa عضومميز
مزاجى : عدد الرسائل : 1131
| موضوع: رد: المواجهه الخميس فبراير 18, 2010 4:46 pm | |
| - معالى الباشا كتب:
حبيب قلبي محمد شو حالك ياغالي وشو حال بقيت الحبايب يارب تكونوا بخير وفكره التوبيك هايله بجد وبتخلي الاعضاء يتعرفوا علي بعض اكتر ويفهوا بعض ميرسي ياباشا احمد باشا خلف اللى منور الدنيا
بجد نورت التوبيك واحنا تمام الحمد لله ويارب تكون انت كمان بخير
وربنا يخليك يا جميل ودايما تنورنى | |
|
| |
mazikaaa عضومميز
مزاجى : عدد الرسائل : 1131
| موضوع: رد: المواجهه الخميس فبراير 18, 2010 5:17 pm | |
| خلاص كده تمام اوى
نقدر دلوقتى نقول مين اللى هيكون معاناهنا
وعلشان تكون البدايه صح لازم يكون طرررررف من الطرفين اللى معانا حد جديد على المنتدى والطرف التانى حد نعرفه ومعانا
هنا من مده كبيره
وعلشان كده كان الاختيار ان اول مواجهه هتكون بين اجمل وحلى عضوتين معانا هنا فى المنتدى
matelda@merna
يلا جهزوا نفسكم علشان تكونوا موجودين معانا
بس بصوا بقى عاوزين لما الفتره بتاعت المواجهه بتاعتكم تنتهى نكون قدرنا نعرف مين هى ماتيلدا ومين هى ميرنا
ودلوقتى نقووووول بعد الفاصل
ميرنا وماتيلدا
فى
المواجهه | |
|
| |
matelda عضو نشيط
مزاجى : عدد الرسائل : 326
| موضوع: رد: المواجهه الخميس فبراير 18, 2010 5:37 pm | |
| ميرنا حبيبة قلبى طبعا احنا نعرف بعض من زمان ومع بعض على الحلو والوحش وياما وقفتى جمبى انت وكل اصحابى انا مدينه لكم بالكتير عمرى ما هنسى انكم كنتم بتعاملونى زى اختكم الصغيره وان كنت وصلت لاى حاجه كويس دا بفضلكم
انا قولت فرصه اقول اللى فى قلبى
انا هسألك كام سؤال صغيرين
ونبدأ
انت مؤمنه بالحب؟
ممكن تسامحى انسان خانك؟
ايه اكتر شئ بيسعدك وبيشغل دايما تفكيرك؟
اتمنالك حظ موفق | |
|
| |
merna عضو نشيط
مزاجى : عدد الرسائل : 107
| موضوع: رد: المواجهه الخميس فبراير 18, 2010 5:52 pm | |
| ماتيلدا حبيبة قلبى ربنا يخليكى وبعدين ماتقوليش كده يابنت احنا اخوات.. نيجى للاسئله ! انتى مؤمنه بالحب؟ اه مؤمنه بالحب ممكن تسامحى انسان خانك؟ لا لان لو بيحبنى عمره مايفكر انه يخونى ايه اكتر شى يسعدك ويشغل تفكيرك؟ النجاح هو اكتر شى بيسعدنى ويشغل تفكيرى | |
|
| |
matelda عضو نشيط
مزاجى : عدد الرسائل : 326
| موضوع: رد: المواجهه الخميس فبراير 18, 2010 6:06 pm | |
| تسلميلى يا قمر
انا مستنيه اسئلتك
ياللا بسرعه يا قمرى | |
|
| |
merna عضو نشيط
مزاجى : عدد الرسائل : 107
| موضوع: رد: المواجهه الخميس فبراير 18, 2010 6:18 pm | |
| ماتيلدا جه دورى فى الاسئله ايه اكتر حاجه بتعجبك فى الشخصيه اللى قدامك؟ مين اكتر حد تحبى تقعدى معا وانتى حزينه وتفضفضيله؟ لو خيروكى بين الماضى والمستقبل ايهما ستختاى | |
|
| |
الفتى الطائش عضو جامد
مزاجى : عدد الرسائل : 567
| موضوع: رد: المواجهه الجمعة فبراير 19, 2010 12:09 pm | |
| بسم الله
يا جماعه العضو اللى عامل التوبيك ده عضو من الاعضاء الجامده اوى فى المنتدى
مساء الفل يا محمد بيه
وجاب اكتر عضوين مقربين من بعض
توبيك جامد يا شرف
ولما نشوف رد ايمى
| |
|
| |
matelda عضو نشيط
مزاجى : عدد الرسائل : 326
| موضوع: رد: المواجهه الجمعة فبراير 19, 2010 2:27 pm | |
| ايه اكتر حاجه بتعجبك فى الشخصيه اللى قدامك؟
الطيبه والحنيه بدور عليهم فى اى شخصيه بتكون ادامى وبتعامل معاها على الاساس ده برضو
مين اكتر حد تحبى تقعدى معا وانتى حزينه وتفضفضيله؟
اكيد هيكون اكتر انسان قريب منى بس برضو مش اى حد لازم يكون فاهمنى وعارف طباعى
لو خيروكى بين الماضى والمستقبل ايهما ستختارى؟
اختار الحاضر انا معرفش المستقبل حلو ولا وحش والماضى تقريبا كله جراح انا لازم اكون واقعيه واعيش الحاضر بعدين افكر ايه اللى جاى علشان اقدر امهدله لان مينفعش تكونى فى عرض البحر وتقولى انا عايزه ارجع او عاوزه اكون فى اخره طيب مش يمكن اخر البحر ده كله مخاطر لازم امشى على مهلى علشان اعرف اوصل لمستقبل مشرق وسماء صافيه
تشكرى ياقمر | |
|
| |
matelda عضو نشيط
مزاجى : عدد الرسائل : 326
| موضوع: رد: المواجهه الجمعة فبراير 19, 2010 3:07 pm | |
| ياللا ياقمر جهزى نفسك
اناهنا
وجبتلك شوية اسئله فى الصميم
مره وانتى قاعده كده مامتك جاتلك وقلتلك انتى يا حبيبتى متقدملك اربع عرسان الاول:غنى اوى ومش بيمتلك فى الدنيا غير الفلوس. التانى:وسيم اوى ومش عنده فى حياته غير الوسامه. التالت:مثقف جدا وميعرفش اى حاجه فى الدنيا غير الثقافه. الاخير:بيحبك موت ومش بيمتلك غير قلبه اللى بيحبك وعايش ليل نهار بحبك. تختارى مين فيهم؟
لو مره بتعدى الشارع صدفه وانتى ماشيه شوفتى واحد زى القمر ملاك على هيئة بشر معدى الشارع وحبيتيه من اول نظره وهو مش واخد باله منك خالص وانتى بقيتى تروحى من هناك علطول وكل يوم بتشوفيه وهو مش واخد باله منك خالص نهائى هتعملى ايه هتروحى تعترفيله بحبك ولا ايه هيكون رد فعلك؟
لو انا قولتلك اوصفينى فى كلمه واحده ايه الكلمه اللى توصفينى بيها؟
تحبى تعيشى على ارض الواقع ولا تغضلى الاحلام؟
الحياه بالنسبه ليكى ايه فى كلمه واحده؟
عمرك حسيتى بالوحده بين كتير من الناس؟
لو مره وانتى فى المدرسه جالك اخوكى ياخدك ببجامة النوم هتعملى ايه تتاجهليه وتمشى عادى ولا ايه رد فعلك؟
لو انتى ماشيه مره فى الشارع جه واحد مسك ايديك على اساس انك مراته هتعملى ايه؟
لو انتى قاعده مع طفل صغير وفجأه سألك سؤال محرج جدا جدا لدرجه فوق الوصف هتقوليله معرفش ولا هتقوليله على اعتبار انه طفل ولا هتعملى ايه؟
لو حبيتى ايه الكلمه اللى تحبى تسمعيها من حبيبك؟
ايه اكتر موقف محرج مريتى بيه؟
لو عندك حلم نفسك تحققيه ايه هو؟
ما هو الشئ الذى يشعرك بأكبر قدر من الاحراج؟
شخص وعدك بشئ مهم جدا واخلف وعده ماذا تقولى له؟
انا كده خلصت اتمنى مش اكون ازعجتك
رحله سعيده فى بحر الاسئله
باااااااااى | |
|
| |
merna عضو نشيط
مزاجى : عدد الرسائل : 107
| موضوع: رد: المواجهه الجمعة فبراير 19, 2010 4:00 pm | |
| [size=18]هههههههه ماشى ماتيلدا ! هختار الاخير طبعا لانه زى مابتقولى بيحبنى موت يبقى اكيد هيعمل كل حاجه عشان يسعدنى..
بصى ياماتيلدا انا الجمال بالنسبالى مش كل حاجه وبعدين لو حبيته زى مانتى بتقولى مش هاقوله يعنى هاعمل كل ده ومش هيحس ..
اوصفك فى كلمه واحده( حنونه)..
لا ارض الواقع لانى احب ان اكون واقعيه..
الحياه بالنسبه ليه فى كلمه واحده( كفاح)..
اه طبعا بحس بالوحده لما اكون فى وسط ناس ماعرفهمش ولا هما يعرفونى..
هتجاهله تماما..
هتخض طبعا وهقوله يااستاذ ركز..
بصى هو طبيعة الاطفال انها عندها حب استطلاع والكبار كمان بس لو سالنى سؤال محرج زما انتى بتقولى هاجوبه بس على اد سنه ..
لو حبيت ايه الكلمه اللى احب اسمعها( مقدرش استغنى عنك)..
اكتر موقف محرج مريت بيه بصى ياستى جه مره واحد صاحب اخويا وكنت انا فى البيت واخويا نايم وماما مش موجوده فاخويا قاللى قوليله خرج فروحت اقوله هعمل ايه يعنى فصحبه ده وهو ماشى قابل ماما فوقفو مع بعض وبتكلموا فماما راحت قايلاله استنى لما اصحيه من النوم وكنت ساعتها فى قمة الاحراج..
الحلم اللى نفسى احققه انى اعمل حاجه تخلى بلدى للاحسن..
الشى اللى بيشعرنى باكبر قدر من الاحراج لما افشل فى حاجه..
شخص وعدنى بشى مهم جدا وخلف وعده الحمد لله محدش خلف وعده معايا فى حاجه لان انا مابخلفش وعدى مع حد.. | |
|
| |
merna عضو نشيط
مزاجى : عدد الرسائل : 107
| موضوع: رد: المواجهه الجمعة فبراير 19, 2010 4:26 pm | |
| ماتيلدا جه دورى فى الاسئله!
ايه موقفك لو شخص انتى بتحبيه وهو بيحبك وفجاه سابك وحب واحده تانيه؟
لمن تهدى هذه الاغنيات:مخادع لاصاله! القلب الطيب لمحمد فؤاد ! بحبك لجنات !
لو قو لتيلك اوصفينى فى كلمه توصفينى باايه؟
ايه الموقف اللى عجبك ونفسك يحصل تانى؟
ايه الاحساس اللى انتى حساه الوقتى وعايشه فيه؟
ايه الموقف اللى مضايقك ومش عارفه تنسيه؟
لمن تهدى هذه الورود ! ورده حمراء ! ورده بنفسجى ! ورده صفراء! | |
|
| |
matelda عضو نشيط
مزاجى : عدد الرسائل : 326
| موضوع: رد: المواجهه الجمعة فبراير 19, 2010 4:59 pm | |
| ايه موقفك لو شخص انتى بتحبيه وهو بيحبك وفجاه سابك وحب واحده تانيه؟
هسيبه لان مش مفروض نتمسك بحد بايعنا وبعدين متنسيش احنا كنا بنقول لبعض ايه اللى باعنا نشحته
لمن تهدى هذه الاغنيات: مخادع لاصاله! لا حرام مش بهديها لحد خالص القلب الطيب لمحمد فؤاد ! لاعز اصدقاء بحبك لجنات ! لحبيبى طبعا
لو قو لتيلك اوصفينى فى كلمه توصفينى باايه؟
واقعيه
ايه الموقف اللى عجبك ونفسك يحصل تانى؟
دا موقف وانا صغيره اوى كنت شقيه اوى انا واولاد عمتى ولعنا حريقه كبيره اوى وهربنا
ايه الاحساس اللى انتى حساه الوقتى وعايشه فيه؟
بصى هو احساس مدمج بشوية احاسيس كتيره مش عارفه اوصفه غير بأنه احساس الربيع
ايه الموقف اللى مضايقك ومش عارفه تنسيه؟
كان فى انسان محتاجلى اوى وانا اتخليت عنه وبكل انانيه مفكرتش غير فى نفسى
لمن تهدى هذه الورود ! ورده حمراء ! لحبيبى ورده بنفسجى !لاصحابى ورده صفراء!الاصفر معناه الحقد والغيره وانا معرفش حد بالوصف ده ومش بهديها لحد | |
|
| |
matelda عضو نشيط
مزاجى : عدد الرسائل : 326
| موضوع: رد: المواجهه الجمعة فبراير 19, 2010 5:04 pm | |
| المفروض ان الجوله بتاعتنا خلصت
ولا لسه مش عارفه
عموما انا عاوزه اقول حاجه صغيره
بجد كان موضوع هايل
وانا بحى فى ميرنا الشجاعه بتاعتها فى ردودها وكمان بتمنالها حياه افضل ومستقبل سعيد
ويارب تكونوا قدرتم تجمعم عن شخصيتنا انا وهيا المعلومات الكافيه للتواصل مع اى شخصيه فينا
ثانكس.... | |
|
| |
Mr.bOnD OoOo ADMINistratoR OoOo
مزاجى : عدد الرسائل : 1766
| موضوع: رد: المواجهه السبت فبراير 20, 2010 11:54 am | |
| مزيكا انا لو اتكلمت عنكـ هبقى تقليدى وبايخ بس كل اللى اقدر اقولهولكـ انكـ جامد ومعلمـ
.بس خلاص
التوببكـ كفكره جميل والاجمل واللى خلى للفكره طعمـ بجد ميرنا و ماتيلدا
لاحظت سريعا كدا :
ميرنا الى حد ما شخصية تحب النجاح دايما وشخصية موضوعيه يعنى تقدر تقول واقعيه اكتر
كمان طيبه ومهذبه وكان لذيذ التشبيه اللى جاوبتى بيه على السؤال عن اختياركـ بين الماضى والحاضر والمستقبل
عموما فرصه سعيده وبصفتكـ كنتى مستجده زى ما بيقولوا لسنه اولى فى الكليات
لكن طبعا دلوقت وبعد التوبيكـ اعتقد ان الوضع اتغير
واهلا بيكى يا قمر اتمنى يارب تكونى مبسوطه وسعيده دايما معانا
ماتيلدا اهاااااااااا حقيقى شخصية متعدده المواهب يعنى بأمانه انا مرات كتير كنت
بتفاجىء بصراحتكـ والجرأه بتاعتكـ وانا بحييكى واكيد احترمكـ عليها
كمان بجد شايفكـ حد وفى كتير وبتقدرى الصداقه والحب لحد كبير
ربنا يوفقكـ يا قمر
طبعا انا كنت ممكن اتكلم اكتر بس انا قولت ابقى رخم و اعمل مداخله سريعه كدا
المهمـ المايكـ معاكوا
يلا منى ليكـ احلى مايكـ مزيكـ
| |
|
| |
ابن الجيران عضو نشيط
مزاجى : عدد الرسائل : 386
| موضوع: رد: المواجهه السبت فبراير 20, 2010 12:19 pm | |
| اولا احب ارحب بمزيكا وموضوعه لانه شخصيه جميله اوى وموضوع لذيذ وجامد اوى اوى تانى حاجه انا شايف ان فى صراحه جميله وجرائه غير عادية من بعض الاعضاء طبعا ده شيئ جميل اوى بجد الموضوع ده ميتقلش عليه غير كلمه واحده او ميتوصفش غير بيها Frankness and Beauty بجد روعه تحياتى ليكم جماعه ويارب دوام النجاح mazikaa تقبل تحياتى Atmanalk reconcile lasting | |
|
| |
matelda عضو نشيط
مزاجى : عدد الرسائل : 326
| موضوع: رد: المواجهه السبت فبراير 20, 2010 12:31 pm | |
| كان لذيذ التشبيه اللى جاوبتى بيه على السؤال عن اختياركـ بين الماضى والحاضر والمستقبل
انا كتير كانو بيقولوا عليا عندك قوة ملاحظه ودا يخلينى اقولك ان التشبيه بتاع سؤال الماضى والحاضر والمستقبل دا سؤالى انا اللى مجاوبه عليه مش ميرنا وعموما عادى مفيش حاجه انا وميرنا واحد
ماتيلدا اهاااااااااا حقيقى شخصية متعدده المواهب يعنى بأمانه انا مرات كتير كنت بتفاجىء بصراحتكـ والجرأه بتاعتكـ وانا بحييكى واكيد احترمكـ عليها كمان بجد شايفكـ حد وفى كتير وبتقدرى الصداقه والحب لحد كبير ربنا يوفقكـ يا قمر
ربنا يخليك ميرسى اوى بجد مش عارفه اقولك ايه | |
|
| |
mazikaaa عضومميز
مزاجى : عدد الرسائل : 1131
| موضوع: رد: المواجهه السبت فبراير 20, 2010 12:38 pm | |
| - الفتى الطائش كتب:
بسم الله
يا جماعه العضو اللى عامل التوبيك ده عضو من الاعضاء الجامده اوى فى المنتدى
مساء الفل يا محمد بيه
وجاب اكتر عضوين مقربين من بعض
توبيك جامد يا شرف
ولما نشوف رد ايمى
حماده العسوله الجنتل مان وصل بجد كنتى مستنيك تدخل تقولى رايك ايه فى التوبيك
وبعدين ياحبى انت سبب وجودى هنا يعنى لو كنت انا عضو جامد فانت السوبر ستار بتاعنا
بجد نورتنى يا عسوله ويارب على طووول منورنى
ومستنى تعليقك على الردود دى علشان عارف انك بتعرف تحلل الناس اللى ادامك حلو اوى
وبتعرف الشخصيات بسرعه جدااا | |
|
| |
mazikaaa عضومميز
مزاجى : عدد الرسائل : 1131
| موضوع: رد: المواجهه السبت فبراير 20, 2010 12:39 pm | |
|
اهلا اهلا بحبيب قلبى مسترنا الجميل مستر بوند
ربنا يخليك بجد على كلامك الجميل دا والثناء اللى انا مش اده دا
وبصراحه انا لما جيت افكر ققول ايه عن شخصيه ميرنا وماتيلدا فكرت تقريبا فى نفس الكلام اللى خالد قاله
فحسيت انه مينفعش يتكتب تانى لان المستر خلاص كتبه بس واللى خالد قاله يعتبر اهم ما يميز الشخصيات بتاعتهم
مع وجود اشياء اخرى فى رايى المتواضع ...
بجد نورتينا يا ميرنا واتمنى يكون الموضوع عجبك وان شاء الله تكونى سعيده معاناةزى ما خالد قال انتى مبقتيش مستجده خلاص
ماتيلدا الجميله كنتى ضيفه لذيذه اوى كالعاده ودايما كده يارب تنورينا على طووول ....
وبكده انتهت المواجهه الجميله اللى كانت بجد لذيذه اوى علشان كانت بين عضوتين اصحاب اوى وبيحبوا بعض اوى اوى
بنقولهم ثانكس جدااااا على قبول الدعوه بانكم تكونوا موجودين معانا هنا وانتظروا القادم فى المواجهه
| |
|
| |
mazikaaa عضومميز
مزاجى : عدد الرسائل : 1131
| موضوع: رد: المواجهه السبت فبراير 20, 2010 12:45 pm | |
| - ابن الجيران كتب:
اولا احب ارحب بمزيكا وموضوعه لانه شخصيه جميله اوى وموضوع لذيذ وجامد اوى اوى
تانى حاجه انا شايف ان فى صراحه جميله وجرائه غير عادية من بعض الاعضاء
طبعا ده شيئ جميل اوى
بجد الموضوع ده ميتقلش عليه غير كلمه واحده او ميتوصفش غير بيها
Frankness and Beauty
بجد روعه تحياتى ليكم جماعه ويارب دوام النجاح
mazikaa
تقبل تحياتى
Atmanalk reconcile lasting مش عارف ققولك ايه على كلامك دا وتعليقك اللى بد جميل اوى وجامد جدااا
نورتينى يا حبى بجد
الصراحه والصدق وكل الحاجات الجميله دى بجد بتسعدنا جدااااا لانه بتعبر عن مدى الثقه المتبادله بينا كلنا
ويارب لو تكون موجوده على طوووووول
مشكور ابن الجيران نورتينى جدااااا ومشكور على الكومنت الجامد دا | |
|
| |
New Paper NEW MEMBER
مزاجى : عدد الرسائل : 22
| موضوع: رد: المواجهه السبت فبراير 20, 2010 12:45 pm | |
| يا معلم يا معلم يا معلم علي الكونفيرزيشان الجامد بجد حوار محادثة ملهاش حل العضوين اثبتو جمال التوبيك من خلال المحادثة
بس انا بحس ان ماتيلدا من الشخصيات الي بتحب تعيش الحظة في كل موضوع في حياتها بصرىاحة انا شايف كدا وكل الي انا بلاحظه في ميرنا انها اوقات كتير بتهتم في التوبيكات الدينية بس انا شايف ان في بداية الحوار المفروض يبقي في اسئلة ابتدائية الي بنعرف من خلالها مين العضوين دول اساسا يعني انا الوقتي عرفت طريقة تفكير العضوين الي فاتو بس معرفش مين دول او الكرير بتاعهم ايه اظاهر انهمـ لقو نفسهم اصحاب قالك اما ندخل علي السخان علي طول
يالله بقة عايزين نشوف شغل جديد هلينا نشوف اعضائنا علي حقيقتها بس انا كنت بقول ان الاتنين الي يدخلو يبداو يعرفو نفسهمـ الاول هو طبعا في اعضاء تعرف الاعضاء الي فاتت ويمكن علشان كدا ملفتش نظرهم النقطة دي بس انا واحد معرفش دول مين ههههههههههههههههه | |
|
| |
matelda عضو نشيط
مزاجى : عدد الرسائل : 326
| موضوع: رد: المواجهه السبت فبراير 20, 2010 1:13 pm | |
| بما انى صديقة ميرنا
تسمحولى انا احلل شخصيتها
عندها فضول كبير جدا
عندها افضل المواصفات انها تكون محققه كبيره
ممكن كتير يقولوا عنها مستبده ولكن هى صارمه فى تحقيق رغابتها وخاصة النجاح
عندها القدره على حفظ الاسرار
بتحب انها تتمم عملهاسواء كانت اعمالها دى جديه للغايه او كانت تسليه ولعب
بتحب دايما ان يكون ليها منافسين علشان تقدر تحقق رغاباتها
من الصعب انها تستسلم مهما كانت العواقب
قوية الشخصيه عاطفيه وحنونه جدا
عندها حاسه غريبه فى استكشاف اللى عاوزه تعرفه
منظمه جدا وناجحه جدا
باختصار هى: مخلصه تقدر تمنح اللى حواليها التوازن او تجعله يفقده تحترم الحب والارتباطات الشخصيه تهب عائلتها الاحترام والتقدير تقدر تخلى الناس القريبه منها عندهم قوة اراده واعتماد على النفس
بجد شخصيه لذيذه بس بتفتقد لروح المغامره والذهاب مع الريح والغوص فى الاحلام
لكى خالص تقديرى واحترامى | |
|
| |
mazikaaa عضومميز
مزاجى : عدد الرسائل : 1131
| موضوع: رد: المواجهه السبت فبراير 20, 2010 1:29 pm | |
| - New Paper كتب:
يا معلم يا معلم يا معلم علي الكونفيرزيشان الجامد بجد حوار محادثة ملهاش حل العضوين اثبتو جمال التوبيك من خلال المحادثة
بس انا بحس ان ماتيلدا من الشخصيات الي بتحب تعيش الحظة في كل موضوع في حياتها بصرىاحة انا شايف كدا وكل الي انا بلاحظه في ميرنا انها اوقات كتير بتهتم في التوبيكات الدينية بس انا شايف ان في بداية الحوار المفروض يبقي في اسئلة ابتدائية الي بنعرف من خلالها مين العضوين دول اساسا يعني انا الوقتي عرفت طريقة تفكير العضوين الي فاتو بس معرفش مين دول او الكرير بتاعهم ايه اظاهر انهمـ لقو نفسهم اصحاب قالك اما ندخل علي السخان علي طول
يالله بقة عايزين نشوف شغل جديد هلينا نشوف اعضائنا علي حقيقتها بس انا كنت بقول ان الاتنين الي يدخلو يبداو يعرفو نفسهمـ الاول هو طبعا في اعضاء تعرف الاعضاء الي فاتت ويمكن علشان كدا ملفتش نظرهم النقطة دي بس انا واحد معرفش دول مين ههههههههههههههههه اهلا نيو بيبر نورتنا يا غالى
وجميل الكومنت بتاعك فيه افاده كتير
بس انا كمان ليه كومنت صغير عليه الحوار بيعتمد على الحريه الشخصيه
مش لازم نجبر حد انه يقول حاجه هو مش عاوز يقوله
الحوار مفتوح لاى حد هيكون موجود معانا
مره تانيه نولاتنا يا برنس وبتمنالك التوفيق | |
|
| |
Mr.bOnD OoOo ADMINistratoR OoOo
مزاجى : عدد الرسائل : 1766
| موضوع: رد: المواجهه السبت فبراير 20, 2010 3:06 pm | |
| ماتيلدا اخدت بالى يا جميل
معلشى سورى ممكن بس مش اخدت بالى عشان انتوا اصحاب وكدا
فى النهايه بردو دا بيأكد كلامى عنكـ وانه اسلوبكـ جميل
- --------------------- -
بمناسبه الاسلوب : حقيقى انا فرحان اوى بالاسلوب الجميل اللى بيعبر بيه الاعضاء
بجد اعذرونى انكـ كنت بدقق شويه بس انا موجود وعايش من زمان هنا فى المنتدى
وغصب عنى لازمـ يستوقفنى الاسلوب الحلو دا واقول دا كويس
| |
|
| |
merna عضو نشيط
مزاجى : عدد الرسائل : 107
| موضوع: رد: المواجهه السبت فبراير 20, 2010 4:09 pm | |
| اولا احب اشكر مزيكا بجد كان توبيك رائع ولذيذ اوى وانا استمتعت كتير بيه واحب اشكر مستر بوند اللى نورنا وقالنا رايه واحب اشكر كل الاعضاء اللى نورتنا وقالت رايها واخيرا احب اشكر حبيبت قلبى ماتيلدا وشكرا ليكى على تحليلك لشخصيتى بجد كان كان حوار جميل اوى ... | |
|
| |
دودو NEW MEMBER
عدد الرسائل : 3
| موضوع: رد: المواجهه السبت فبراير 20, 2010 9:04 pm | |
| هاى ياجماعة انا علي المنتدى جديدة وياريت اشاركو في الحوار الجميل دة | |
|
| |
mazikaaa عضومميز
مزاجى : عدد الرسائل : 1131
| موضوع: رد: المواجهه السبت فبراير 20, 2010 9:28 pm | |
| - دودو كتب:
- هاى ياجماعة انا علي المنتدى جديدة وياريت اشاركو في الحوار الجميل دة
اهلا بيكى يا دودو معانا اولا فى منتدانا الكبير منتدى بوند وثانيا فى التوبيك اللى انتى نورتيه دا
وان شاء الله هتشاركى معانا لان انتى عضوه فى البيت الكبير فاكيد لازم تكون ليكى مشاركه فعاله
بتمنى ليكى التوفيق وفى انتظار مشاركاتك المتميزه ان شاء الله
| |
|
| |
دودو NEW MEMBER
عدد الرسائل : 3
| موضوع: رد: المواجهه الأحد فبراير 21, 2010 12:34 am | |
| مرسيه اوى ياجميل علي زوقك انا بس اتمنى اكون مجموجة اصدقاء ربنا موفقنيش انى اعملهافي حياتى اليوميه | |
|
| |
الفتى الطائش عضو جامد
مزاجى : عدد الرسائل : 567
| موضوع: رد: المواجهه الأحد فبراير 21, 2010 6:36 am | |
| مساء الفل لجميع الاعضاء اللى منورين التوبيك الجميل ده
انا قرأت التوبيك من الاول وبجد جميل اوى
وانا عارف شخصيه ماتيلدا ....... شخصيه جميله ودلوعه اوى
واكتر حاجه انها جريئه جدا
اما ميرنا ... عضوه جميله وصريحه كمان
الشكر الجامد لصاحب التوبيك محمد حبيب قلبى
احيك يا ريس على التوبيك الجميل ده
بس اكتر حاجه شدانى للتوبيك بجد ... هو تفاعل خالد ( مستر بوند )
على التوبيك المستر مش بيرد على اى توبيك .... وقال رأيه بكل صراحه وده دليل انه معجب اوى بالحوار
تحياااااااااتى للجميع
| |
|
| |
Mr.bOnD OoOo ADMINistratoR OoOo
مزاجى : عدد الرسائل : 1766
| |
| |
New Paper NEW MEMBER
مزاجى : عدد الرسائل : 22
| موضوع: رد: المواجهه الأحد فبراير 21, 2010 2:28 pm | |
| طيب يا جماعة اللعب احلو والكرة في وسط الميدان عايزين بقة نشوف مين الفريقين الي هيلعبو علشان الجمهور قاعد علي اعصابه واحنا مش معترضين علي حاجة حتي لو هنلعب وقت اضافي بس انا شايف بقة ان الناس الي بيبيعو تذاكر يزودوو المبيعات علشان نشوف بقيت الاعضاء منورة الماتش وعلشان نكون مظبطين الاداء بقترح علي المنجر انه يعمل اعلان للتوبيك ده
| |
|
| |
elkomande mohamed عضومميز
عدد الرسائل : 1571
| موضوع: رد: المواجهه الأحد فبراير 21, 2010 3:37 pm | |
| هههههههههههه اه ياريت تحددوا الفرقين بسرعه مشكور جدا يامزيكا على الموضوع والمواجه الجامده جدا دى
| |
|
| |
عاشق الغروب عضو نشيط
مزاجى : عدد الرسائل : 129
| موضوع: رد: المواجهه الأحد فبراير 21, 2010 3:41 pm | |
| ايوه يا جماعه احنا منتظرين المواجهه الى جايه وعاوزين حاجه جميله زى الى قبل دى | |
|
| |
mazikaaa عضومميز
مزاجى : عدد الرسائل : 1131
| موضوع: رد: المواجهه الأحد فبراير 21, 2010 3:50 pm | |
| اهلا بالكوماندا الغالى محمد
نورتنا بجد وان شاء الله المواجهه الجايه قريبه اوى
عاشق حبى مش هتستنى كتير خلاص كلها شويه صغيره وهيكون معانا اجمل اتنين فى المواجهه | |
|
| |
mazikaaa عضومميز
مزاجى : عدد الرسائل : 1131
| موضوع: رد: المواجهه الأحد فبراير 21, 2010 3:51 pm | |
|
اولا انا بصراحه مش عارف ارحب بمين ولا ارد ققول ايه على الكلام اللى مكتوب دا من حبيب قلبى حماده احلى طائش فى الدنيا
ومن المستر الجميل اللى منور الدنيا كلها خالد السقا
وبجد كومنت جامد اوى من نيو بيبر يستحق التحيه عليه
ثانيا عاوز ققولكم ان المواجهه الجايه هتكون جامده جداااا لانها هتكون بين عضو وعضوه
عضو من كبار اعضاء منتدى بوند تدخل على توبيكاته تلاقى الجديد تسمع لردوده تحس بتعبير جميل
العضو دا عضو لذيذ اوى بيقدر يعمل علاقات كتير ويكون اصدقاء اكتر
بجد عضو جامد جدااااااا....
اما العضوه اللى معانا مش عضوه عاديه خالص دى برينسيسه
برينسيسه فى اداءها فى المنتدى تحس فى كلامها باسلوب الكبار ... تقدر تقنعك باسلوبها وطريقتها
وارائها اللى دايما بتكون صح .....عضوه المنتدى بيفتقدها فى بعض الاوقات بس دايما موجوده فى الذاكره
بتوبيكاتها الجميله وردودها المتناسقه....
بجد عضوه تستحق وسام التميز...
معانا ومعاكم العضو الجميل
shagy
والعضوه المتميزه
برنسيس دودووو
يلا المايك معاكم عاوزين نشوف مواجهه حقيقيه بين اجمل اعضاء منتدى بوند
بعد الفاصل معانا ومعاكم
شاجى @ برنسيس دودووو
ابقوووووووووا معناااااااااا
اجمل وارق تحياتى
mOhAmEd ShArF
| |
|
| |
New Paper NEW MEMBER
مزاجى : عدد الرسائل : 22
| موضوع: رد: المواجهه الأحد فبراير 21, 2010 4:11 pm | |
| اعذائي المشاهدين السلام عليكمـ ورحمة الله وبركاته اسعد الله مسائكم وكنتم في دوام الصحة والعافية النهاردة هنقدملكو مبارة من اجمل المباريات واجمل من اي تصفيات معلقكمـ الرياضي نيو بيبر واستاد بوند الدولي علي ايدك اليمين وانت قاعد علي الجهاز العضو الجميل شاجي وعلي ايدك الشمال هتلاقي برنسيس دودو والقلم في وسط الميدان والله يا جماعة احنا في انتظار التمريرة الاولي وهنشوف مين الي هيمررها وزي ما انتو شايفين المدرجات كلها مليانة والحمد لله شباك التذاكر كان عليه زحام رهيب وما زال
بس قبل ما الفريقين يلعبو بنرحب بالعضوين ونقولهمـ وليكمـ في مبارة المواجهة واتمني ان المبارة تخلص بدون اي اصابات هههههههههههههههه واحنا من هنا بنطمنو ان المنجر بوند عنده عربات اسعاف اولية مجهزةة ومكيفة وي وي وي وي وي تييييييييييييت
لمين هعيش
| |
|
| |
cutegirl -:[ مشرفة بيت العيلة ]:-
مزاجى : عدد الرسائل : 640
| موضوع: رد: المواجهه الأحد فبراير 21, 2010 5:43 pm | |
|
اشطة يا جماعه كده الموضوع سخن وبقى جامد جدااااااااا
لانه بين عضوين جامدين جدا جدا الجميل شاجى ودودتى برنسيسة المنتدى
واحنا مستنين المواجهه وعايزينها تبقى جامده اوى
وكل واحد يسال بقى ويطلع اللى جواه
عايزين اسئلة حلوة كده عشان نعرف مين هو شاجى
ومين هى دودو وانا عن نفسى مش محتاجة اعرف
لانها صحبتى الانتيم وحبيبة قلبى
يلا يا دودو ويلا يا شاجى
مستنينكواااا
عدل سابقا من قبل cutegirl في الأحد فبراير 21, 2010 6:59 pm عدل 1 مرات | |
|
| |
ShaGgY -:{ عضو vip }:-
مزاجى : عدد الرسائل : 327
| موضوع: رد: المواجهه الأحد فبراير 21, 2010 6:24 pm | |
| السلام عليكم........ انا مبسوط اوى يا جماعة بالموضوع ده والاعضاء الجامدين دول كلهم بجد وبحــي العضو الجامد جدا مزيكا ع مواضيعه الهايلة دى ونيو بيبر ع كلامه الجميل وتسخينه للمباراة والتعليق الهايل منه وطبعا العضوة الجميلة اوى كيوت جيرل اللى منورة المنتدى كله وكل الاعضاء الجمال اللى بيشاركو دايما ف التوبيكات الحلوة دى وانا مبسوط اوى انى موجود معاكم بإذن الله وانا مستنى دودو اختى الجميلة اوى اوى اللى انا بحبها جدا زى اختى الكبيرة تمام | |
|
| |
برنسيس دودو عضو جامد
عدد الرسائل : 501
| موضوع: رد: المواجهه الأحد فبراير 21, 2010 7:56 pm | |
| ميرسى يامحمد على كلامك الجميل دة وانت عضو جميل وتوبيكاتك اجمل وعجبتنى اوى الفكرة دى وان شاء الله انا وعمرو العضو الجميل اخويا طبعا زى ماهو قال نعرف نساعدكم على انكوا تعرفونا كويس انا هسأل عمرو سؤالين كدة خفاف اولا:اسمحلى ياشاجى الاعضاء يعرفوا اسمك الاول ودة طبعا للاعضاء الجدد لان انت غنى عن التعريف وكمان يعرفوا سنك ؟ ثانيا:عايزين نعرف اهم حاجة فى حياتك بتحب تعملها ومابتستغناش عنها ابدا مهما حصل ؟ ثالثا:اكتر حاجة حلوة فى حياتك هى ايه ؟ رابعا:ايه الحلو اللى فيك وايه الوحش اللى فيك (من وجهة نظرك ومن وجهة نظر الناس)؟ خامسا:عملت حاجة فى يوم وندمت عليها وماحبيتش تحكيها لحد مهما كان قريب منك(لو مش يضايقك ياريت تقول عليها)؟ سادسا:الحب عندك شئ اساسى للانسان ولا حاجة جانبية فى حياتنا؟
| |
|
| |
ShaGgY -:{ عضو vip }:-
مزاجى : عدد الرسائل : 327
| موضوع: رد: المواجهه الأحد فبراير 21, 2010 9:30 pm | |
| - برنسيس دودو كتب:
وان شاء الله انا وعمرو العضو الجميل اخويا طبعا زى ماهو قال
نعرف نساعدكم على انكوا تعرفونا كويس
انا هسأل عمرو سؤالين كدة خفاف
اولا:اسمحلى ياشاجى الاعضاء يعرفوا اسمك الاول ودة طبعا للاعضاء الجدد
لان انت غنى عن التعريف وكمان يعرفوا سنك ؟
انا اسمى عمرو النقراشى
السن: 18 وماشى ف ال19 بس قولو يارب نكملهم
الرياض-المنصورة-دقهلية
دا مبدئيا
ثانيا:عايزين نعرف اهم حاجة فى حياتك بتحب تعملها ومابتستغناش عنها ابدا مهما حصل ؟
اهم حاجة ف حياتى طبعا الكمبيوتر دى الحاجة اللى بتكون ممكن مسيطرة عليا معظم اليوم
ثالثا:اكتر حاجة حلوة فى حياتك هى ايه ؟
عائلتى اكتر حاجة حلوة ف حياتى والدى ووالدتى واخواتى ومن غير شخص واحد منهم
الحياة عندى ليس لها معنى
رابعا:ايه الحلو اللى فيك وايه الوحش اللى فيك (من وجهة نظرك ومن وجهة نظر الناس)؟
بصراحة الحلو فيا انا مقدرش اقول بالظبط وجهة نظر الناس بس اللى انا شايفه حلو فيا انى طيب
انما الوحش بئا ده كان زمان من سنة اتنين تلاتة كنت بعمل كل حاجة وحشة بس الحمد لله انا دلوقتى بحاول اكون افضل وبحاول اخد بالى من كل تصرفاتى وبعدين التدخين من وجهة نظر الناس وحش
خامسا:عملت حاجة فى يوم وندمت عليها وماحبيتش تحكيها لحد مهما كان قريب منك(لو مش يضايقك ياريت تقول عليها)؟
عملت كتير اوى حاجات وحشة وندمت عليها جامد بعد كدا
ومش حابب احكى لانى مش حابب انى افتكر حاجة واحدة بس من الحاجات دى
سادسا:الحب عندك شئ اساسى للانسان ولا حاجة جانبية فى حياتنا؟
اساسى طبعا الحب الناس كلها عايشة بالحب وبتتعامل مع بعضها بالحب والايمان وحسن المعاملة ما بينهم كل الناس
وانا بالنسبة لى بحب كل الناس مش بكره حد ممكن حد يكرهنى لكن انا مكرهوش بس ازعل بس منه بس مش اكره
| |
|
| |
ShaGgY -:{ عضو vip }:-
مزاجى : عدد الرسائل : 327
| موضوع: رد: المواجهه الأحد فبراير 21, 2010 9:41 pm | |
| اسأل انا بئا يا دودو بس ياريت مش تدايئى منــى ف اى سؤال وتقولى ف بالك وانتى بتجوبى اه يا عمرو يابن الايه وكدا اوكــ يلا *1* عرفينا بنفسك اسمك & سنك & بلدك ؟ بس . *2* ايه اكتر حاجة ممكن تشغلك معظم اليوم؟ وياترى بتحبيها ولا لآ ؟ *3* ايه معنى الحب عندك ؟ وبتحبى ولا لآ ؟ *4* شايفة ان معاملتك مع الناس شكلها ايه ؟ والناس بتوصفها بإيه ؟ *5* ايه الصفات اللى فيكى ممكن يكون حد من اصدقائك قالولك عليها وايه اللى مش بيعجبهم فيكى ؟ *6* ايه اكتر حاجة عجباكى ف المنتدى ؟ *7* قصرتى قبل كدا مع صديقة ليكى وبعد كدا ندمتى انك كنتى معاها كدا ؟ يارب ما اكون طولت عليكى ولا زهئتك جاوبى دول واحنا شعارنا الصرااااحة | |
|
| |
| المواجهه | |
|