اعترافات قصص حب الاعضاء

عضومميز مزاجى : عدد الرسائل : 1131

علشان احنا اتفقنا اعضاء جروب المعالى اننا نخلى منتدى بوند اجمد منتدى ودا مش هيكون الا بالمواضيع الجامده ودا اول موضوع هنبدا بيه بمشاركه اعضاء جروب المعالى

----------------------اعضاء جروب المعالى-------------------

الباشا تلميذ

خارج على القانون

الفتى الطائش

mazikaaa

_-_-_-_-_-_-_-_-_-_-_-_-_-_-_-_-_-_-_-_-_-_-_-

وفكره الموضوع ان كل واحد فينا هيحكى قصه الحب اللى عاشها

وطبعا اعضاء منتدانا هتشارك معانا ويحكوا قصص الحب اللى عاشوها

يارب الموضوع يعجبكم

ومع جروب المعالى كل جديد

عضومميز عدد الرسائل : 1232

انا والله كنت عايش حياتى عااااااادى جداولا بقكر فى حب ولا عمرى كنت افكر انى اعيشه ابدا

كنت ديما بشوف اصحابى اللى عبشين قصص الحب . فى حياه غريبه كنت بقول انا عمرى

مفكر فى الكلام دة انا كدة عايش حياتى تمام اوى . وكنت فى نفس الوقت بكلم بنات كتير اوى

بس مش فرقة معايه البنت دى زعلت البنت دى سبتها لاء البنت دى مش عيزة منى كدة

مكنش فارق معايه اى حاجة من دى عايش حياتى بطول والعرض .

لحد مكلمت وحدة كنت بردة بكلمها عادى جدا . زى اى بنت وفضلت معاه فطرة طويله اوى

نتكلم بس كان من نحيتى مكنش فى اى شعور بنسبلها . بكلم واحدة وخلاص . وفات الايام

واحانا بنتكلم . وجة يوم وزعلنا مع بعض حسيت ان فى حاجة نقصه انا كنت بعمل حاجة حلوة

هيه راحت فين . اصحه من النوم اقول ياااااا كنت الوقتى بكلمها . امشى فى الشارع افكر فيها

اروح انام افكر فيها . ياترى هيه عامله ايه ياترى هيه بتعمل ايه . قولت انت حبيت ولا ايه يا اخ مدحت

مش عارف . بس عمرى معترفت انى حبيبت . قولت طيب هيه شغلاك كدة روح كلمها وعيش حياتك زى الاول

رجعت كلمتها وفضلنا مع بعض فطرة طويله اوى نتكلم . حست انى بجد حبيت وهوة دة الطعم الجميل اوى بتاع الحب

قولت جة وقت يا استاذ انك تعيش وتشوف اصحابك اللى كانوا بيحبه وانت بتضحك عليهم

بس انا لما هيه كانت تكون معايه كانت عادى خالص عايش حياتى . بس لما كنا نزعل كنت

بحس انى زعلان ومخنوق وشايل هموم الدنيا . قولت طيب حب ايه دة . بس قولت يمكن دة

حب امتلاك اللى بيقوله عليه .

انا هختصر الحكايه عشان الموضوع طويل اوى . وانا الوقت عايش القصة دى . ومش عارف

هتوصلنى لفين بس انا معاه للاخر .

عضومميز مزاجى : عدد الرسائل : 1131

بصراحه القصه بتاعتى تتلخص فى كلمتين.....على الحب البدايه ....وعلى البعد النهايه

انا كنت من اكتر الناس مجادله فى مسائله الحب من اول نظره لحد ما جى الحب دا ودق على

باب قلبى .بدايه القصه كانت مجرد نظره كنت فاكر ان هى هتعدى زى بقيت النظرات وعمرى

ما كنت اتوقع ان النظره هتغير حياتى ..من انسان كان عايش بيفكر فين هيخرج النهارده فى ايه

هيتكلم مع اصحابه ..من حد كان مش عارف معنى الشعور بالحب والاحساس بقلوب الناس

لانسان لا يشغل عقله سوى الحب وتوابعه من احساس بالغير والشعور به حتى ولو لم يكن موجود

معه .كانت نظره بريئه لبنت عاديه زى اى بنت ماشيه فى الشارع بس هى كانت بالنسبه ليه مش

عاديه لانى حسيت من اول مره شوفتها فيها ان هى دى البنت اللى انا سيبت ناس كتير عشانها

وقررت انى اكلمها بس للاسف ....لاول مره فى حياتى مقدرش اشوف طريقه اتكلم بيها مع بنت

وفضلت كده كتير لحد لما جه اليوم اللى فضلت مستنيه كتير وقررت انى اصرحها وفعلا عملت كده

وكانت المفاجاءه انها قبلت كلامى على طول لانها كان عندها نفس الاحساس والشعور اللى كان
عندى واللى كنا فاكرينه اعجاب

بس هو مكنش اعجاب خالص دا كان حب بمعنى الكلمه حب اتبنى على الاخلاص والخوف على

بعض وعلى الصراحه وفضيلنا على كده مده طويله وفى المده دى بجد حسيت انى بدات اتغير تغير

كلى يعنى مش عاوز اكلم غيرها مش عاوز اعرف حد تانى دايما فيه حاجه بتقولى اعمل ده ومتعملش ده

علشان خاطرها بصراحه كنت بفكر فيها طول الوقت وفى اى وقت وانا ماشى وانا نايم وانا مع

اصحابى ...بس للاسف زى ما بيقولوا الحلو مبيكملش ...مش عارف ليه. وبدات بقى تظهر

المشاكل ويكتر كلامنا عن علاقتنا ببعض وكده وبعد حورات كتيره قررت انى اعمل اللى عمرى

ماكنت اتصور انى اعمله فى يوم انى اسيبها بس مش نداله منى لا علشان خاطر ان المشاكل كانت

عندها هى فدا هيضر بمستقبلها ففهمتها براحه ان احنا لازم نسيب بعض ولو لفتره وياريتنى ما

عملت كده وبعد كتير من الكلام والحورات هى اقتنعت وبعد ما كنا اعز احباب بقينا اعز اصحاب

ولكن زى ما كل قصه ليها بدايه اكيد هيكون القصه ليها نهايه اللى انا بجد لسه مش عارفها واللى بسببها دايما بسال نفسى سؤال

هل الفراق هو عنوان كل قصه حب ؟

عضو جامد عدد الرسائل : 721

وندخل بقة علي قصة الحب الجميلة والرقيقة والمحيرة الي بعتبرها اجمل قصة حب في الدنيا
في البداية انا كنت عايش حياتي عادي جدا زي اي حد بس كان كل اصحابي بيكلمو بنات
وانا مكنش ليا في الجو ده بس طبعا كنت متابع كل حاجة مع اصحابي
لحد ما جه اليوم اني اتعرف علي بنوتة وفي الوقت ده كان الجو بالنسبالي جديد
لان اول مرة في حياتي اني اكلم بنت او ادخل في علاقة انا مش عارف اخرها ايه
بس كنت بتكلم معاها عادي خالص ومش في دماغي حاجة
وطبعا الانسانة دي كان معجب بيها شباب كتير وانا الي كنت بكلمها بس مكنتش معجب بيها
كانت مجرد صداقة ويمكن ده كان مبرر انها تتشد ليا
وفعلا كان بداية علاقتنا اعجابها بيا زاد وبدانا نتعرف علي بغض اكتر حسيت انها حاجة مقدرش استغني عنها
بعيد عن الحب وتوابعه انا حسيت ان الانسانة دي حاجة لازم تكون في حياتي ولازم
اكلمها يوميا
وبدات بعد كدا مرحلة الاعجاب المتزايد لدرجة اننا كنا بنحب بعض بدون ماحد اعترف للتاني بكدا
بس كان عجبنا الجو الي احنا فيه وكنا حاسين اننا اجمل اتنين في الدنيا
بس طبعا ده مينكرش ان كان في بينا بعض المشكال والخلافات
بس يمكن ده كان خطوة حلوة بالنسبالنا في اننا بدانا نعرف قيمة بعض
في كل وقت سؤاء في اوقات قربنا واوقات بعدنا
واستمرت العلاقة بتاعتنا في تطور من الحب واتمني ان ربنا يديم الحب
وتكون قصة جميلة وتكون خطوة ليا في المستقبل

عضو جامد مزاجى : عدد الرسائل : 567

انا حبيت فى حياتى مره واحده بس وهيا قصه الحب اللى انا عايش فيها دلوقتى

بدايه تعارفى عليها كان من حوالى سنتين كنت بكلمها فى البدايه عادى واتشديت لها واحده واحده واللى شدنى ليها اكتر اعترافها بحبها ليا وبقينا مع بعض على طول فى كل حاجه انا اتصل الصبح عليها وهيا تتصل بالليل وكده يعنى عشت انا وهيا اسعد لحظات حياتنا عمرى موقعتش انا وهيا فى مشكله كبيره لدرجه اننا نزعل من بعض بالعكس المشاكل اللى كانت بيننا كانت بتخلينا نقرب من بعض اكتر واكتر حاجه بجد عجبتنى فيها ان هيا صريحه جدا وبتتكسف جدا يعنى لو شافتنى بعمل حاجه غلط قول لى على طول ومتخفش حتى لو زعل بدل الحاجه دى غلط وبتتكسف جدا من اى حد حتى من النظره اللى الناس بتبصها ليها بتتكسف ووشها يحمر ...........
انا بعترف وبقول انا بحبها جدا جدا وانا متاكد ان هيا بتحبنى اكتر منا بحبها ..........
كل اللى اقدر اقوله ان دى الانسانه اللى اتمنى من ربنا انه يخلينى اقضى معاها بقيه حياتى

I LOVE YOU MY ONLY LOVE

MEROOOOO

توبك جميل اوى
واحكى انا بقى قصة حبى
بصوا يا جماعة انا حبيت مرة واحدة بردو فى حياتى بس عشت اجمل ايام حياتى معاة
وفضلنا مع بعض تقريبا سنة ونص
اتعرفت علية فى حفلة من حفلات الجامعة بس كنا اصدقاء فى الاول لحد ما جة قالى
وبصراحة انا بردو كنت معجبة بس بستهبل هههههههههههههههه
وبعدين حبينا بعض اوى اوى وكنا بنخاف على بعض اوى اوى
وطبعا بيكون فى مشاكل بين اتنين بيحبوا بعض بس الحق يتقال هو عمرة ما نيمنى
فى يوم وانا زعلانة او مضايقة منة وبعد كدة جة فترة الامتحانات بتاعة السنة دى
وبعد ما خلصنا امتحانات السنة دى جة اتقدم لبابا بس بابا رفضة
عشان اسباب تافة زى انة مش مرتاحلة وسالت علية لاقيتة مش كويس وكدة
اتخنقت مع بابا طبعا وسبت البيت ورحت قعدت عن عمى يجى اسبوعين
وبعد كدة قابلتة وقولتلة ان بابا رفض وطبعا قعدنا نقول كلام مؤثر اوى اوى
ممكن تعيطا لو سمعتوة هههههههههههه
وطبعا الموضوع قلب غم وقعدنا نعيط احنا الاتنين لدرجة انى حضنى
وعيط فى حضنى وانا لما لاقيتة بيعيط
عيطت انا كمان فى حضة بس مقدرش اقولكوا ان اللى بينة وبينى كانت مشاعر
واحاسيس مفيش بعد كدة وانا سيباة من شهر تقريبا
ولسة متصل بيا امبارح وبيباركلى على النجاح وبيقولى فى احتمال نرجع تانى
طبعا مينفعش لانى مش بحب احب من غير امل لان بابا رفضة
ومش هيوافق علية تانى لكن احب اقول فى اخر الكلام
لو الحب بجد ومن القلب صادق صعب اوى يتنسى فى ناس بتقدر تنسى
بس مش انا من الناس دى ان بفكر فية اكتر من اى حد فى حياتى
وبجد نفسى نرجع زى الاول بس مبقاش ينفع

عضو جامد عدد الرسائل : 501

ميرسى ياجروب المعالى

فعلا فكرة حلوة ودمتم للمنتدى بس ماتنسوش انى منافسة ليكوا فى جروب ايمو جيرلز

بس ياللا احنا فى النهاية اصدقاء برده

انا بقى حاليا عايشة احلى قصة حب واحلى ارتباط بأحلى شخص فى الدنيا كلها

الموضوع بدأ ان هو قريب واحدة صاحبتى وكان بييجى يعد معانا فى الجامعة يعنى وكدة

وبنشوفه كتير اوى معاها وفى يوم لقيت قريبته دى اللى هى صاحبتى ت قالتلى انه عايز يكلمنى

انا بصراحة خفت لانى اصلا كنت حاسة ناحيته بأعجاب وهو كمان بس ماكناش بنتكلم

ومارديتش على صاحبتى غير انى قلتلها انا مش بكلم حد اسفة احنا زمايل مع بعض وخلاص

لانى كنت خايفة بصراحة مع انى كنت مبسوطة لما عرفت انه عايز يكلمنى

وروحت حكيت لماما وقلتلها كل اللى حصل

ماما قالتلى كويس انك قفلتى الموضوع قلتلها طيب ولو اتكلم تانى ياماما هعمل ايه

قالتلى تيجى تقوليلى برده المهم صاحبتى فضلت ورايا فترة كبيرة تزن عليا

وفى الاخر ماما قالتلى لو هو كويس اعدى اتكلمى معاه وانتوا مع زمايلكوا مش لوحدنا طبعا

يعنى واحنا متجمعين كدة اتكلم معاه عادى واشوف شخصيته ومستقبله وكدة

هو طبعا اكبر منى ب 3 سنين

بس ومن هنا بقى بدأ الموضوع عجبتنى شخصيته اوى وحسيت انه هو دة اللى بتمناه بجد

وهو كمان حبنى اوى الحمدلله ومامتى عارفة الموضوع ناو وهو كلمها وقاللها انه لما هيتخرج السنة دى ان شاء الله هيعمل حاجة

هو ناو بيشتغل مع دراستة وفاضله سنة ويتخرج

بتمنى بجد نكمل مع بعض ويجعلنا من نصيب بعض امين يارب العلمين

اسفة على الاطالة

بجد بجد نايس توبيك ياشباب

دودوووووووووووووو

الله
الله
pirat

ده المنتدي فيه شويه حبييه وانا معرفش
ههههههههههههههههه
ده انتوا قصصكم تتعمل افلام والله
بس انا بجد مستمتع بقرائتها
وانا مستني بقيت القصص
ميرسي علي الفكره يامدحت

عضو جامد عدد الرسائل : 501

ايه يامعالى الباشا

عايز تقنعنا ان معاااااااااالى الباشا ماعندوش قصة حب

لالالا اكيد انت بتبعد الحسد عنك

ياللا بقى احكى قصتك

هع هع هع هع هع
جامده الفكره ياجروب المعالي
بس متنسوف ان فيه جروب اسمه
the killers
بس فيه حد فوق قال ان احنا اخوات ...!!!
قصص حب قصص رومانسيه اللي فوق دي
بصراحه انا مش بفتنع بيها
انا مقتنع بحاجه واحده
الي هيا ( الرومانسيه الشريره ) ...!!!
ودي الحاله الي انا فيها ناو ...
_____________
stolen girls hearts
أنا شرير كالأشباح الساكنة في كهوف الجحيم ..
بل أنا شرير كالروح السوداء التي تحرس أبواب الجحيم !!!!

عضومميز مزاجى : عدد الرسائل : 1131

عضومميز عدد الرسائل : 1232

احب اشكركم على المشركه الجميله . مع انى كنت عايز كل عضو يخش يحكى قصة حياته

بس باين فى ناس مقلقه شويه من ان يحكى على المكشوف كدة . بس انا كنت حاطط انا والجروب

ان الموضوع دة هيكون جامد والكل هيشارك فيه بس يلا وياريت اللى يخش بعد كدة يقول رايه بس ميقولش رايه فى التوبيك وميحكيش قصته .

وبجد انا واعضاء جروب المعالى . بنشكر بوسى الجميله . على كلمها وقصتها الجميله اوى
وبجد كنت سعيد وانا بقراها .

وبنشكرك . برنسيسه المنتدى دودوو هايدى القمر اللى خلتنه نشوف قصه مهما كانت هيه كانت

معجبه بحبها بس لما صحبتها راحت تقولها قلتلها انا مش بحب الكلام دة . بجد عجبنى اسرارك الجميل دة . وقصتك جميله اوى .

وبشكر معالى الباشا اللى للاسف وانا هقولها ومش هنكسف احمد خلف خاف يحكى يا عضاء يا حلوين وقلى انا انا لاء لاء بلاش انا والنبى يا مدحت ههههه

بس بنشكره على المشركه الجميله .

وتحيه كبيرة لـــ هيما المنافس اللى بعزة اوى . وبنحب حماسه وكلامه الشرير الجميل اوى

وكنا نفسنا بردة نشوف قصتة بس يلاااا كل شئ نصيب .

وفى معلومه يا جماعة عشان اكون صريح . المدير بتعنا بوند عرف الفكرة بس انا حاسس انه انكسف يحكى .

بس هوة معرفنيش كدة هوة قلى انا اوك هخش وهرب منى ااااه يا بوند يا كبير بس بنحبك

وتحيح كبيرة اوى اوى اوى . لاجمل اصحاب واعضاء فى جروب المعالى ارق وردة لاجمل جروب

مرسى ليكم كلكم ... الشاب الرايق

عضو جامد مزاجى : عدد الرسائل : 567

بس لسه فى اعضاء مقلوش قصصهم

ياريت الموضوع يكمل يا جماعه وتقولوا قصصالحب بتاعتكم لان بجد الموضوع ده هيعرفنا شخصيه كل واحد
وازاى عايش وكده يعنى

ياريت الكل يدخل يقول القصص

ولاهما دول الاعضاء بس اللى بيقرأو المواضيع ........ وبيردوا

يالا اعترفوا ...............

عضومميز مزاجى : عدد الرسائل : 1131

مش عارف والله يا حماده بس الظاهر الناس مكسوفه ولا ايه متفهمش

على العموم احنا فى انتظار الناس تدخل

عضومميز مزاجى : عدد الرسائل : 1131

عضو نشيط عدد الرسائل : 274

مشكوووووووووووووووووووووووووووور
بجد وبيك رائع وفكره جمله جدا
تقبلو تحياتى

عضومميز مزاجى : عدد الرسائل : 1131

مشكور يا ابو جوده على المرور

عضو نشيط مزاجى : عدد الرسائل : 386

الفكرة حلوة قوووووووووي
ويارب يوفق اي حد بيحب
كان نفسي اشارك معاكم وكده
بس للاسف مفيش حاجة احكيها محاولتش اني ادخل نفسي ف قصة حب او كده وكنت ببعد نفسي عن اي احساس اعجاب حتي لو صغير حاسة انه لسة مجاش الوقت ومش عارفة هييجي امتي احيانا كتير بحس ان محتاجة للاحساس ده في حياني واحيانا اكتر بقول انا كده كويسة
خلقتوا جو رومانسي حلو قوي ف السايت وبجد مشاعركوا حلوة قوي

عضومميز مزاجى : عدد الرسائل : 1131

Mysterious figure كتب:: الفكرة حلوة قوووووووووي
ويارب يوفق اي حد بيحب
كان نفسي اشارك معاكم وكده
بس للاسف مفيش حاجة احكيها محاولتش اني ادخل نفسي ف قصة حب او كده وكنت ببعد نفسي عن اي احساس اعجاب حتي لو صغير حاسة انه لسة مجاش الوقت ومش عارفة هييجي امتي احيانا كتير بحس ان محتاجة للاحساس ده في حياني واحيانا اكتر بقول انا كده كويسة
خلقتوا جو رومانسي حلو قوي ف السايت وبجد مشاعركوا حلوة قوي

مشكوره جدااا على مرورك بجد اسعدنى جدااا

واكيد هتجربى الاحساس وساعتها هتيجى وتقوليلنا عليه

نورتى التوبيك بمرورك الجميل دا

عضو جامد جدا عدد الرسائل : 942

اولا الموضوع جميل جداجداجدا
كل يوم بكتشف ان المنتدى
جميل جداجدا
هل الفراق هو عنوان كل قصه حب ؟
اكيد لا ومفيش صداقه بعد حب
ويارب يسهدك يارب يا
فتى الطائش كمان كمان
انت كل اعضاء المنتدى
مشكوووووووووور على الموضوع الجميل ده
ويمكن انا كمان فى يوم من الايام
اكنت فى الموضوع ده

عضومميز مزاجى : عدد الرسائل : 1131

مشكوره نهر الحب على المرور

وربنا يوفقك

عضو جامد جدا عدد الرسائل : 942

عضومميز مزاجى : عدد الرسائل : 1131

شكلك مهتمه بالموضوع اوى

طيب ياريت لو عندك قصه تحكيها

واحنا فى انتظارك

مشكوره على المرور

عضو جامد عدد الرسائل : 721

منور التوبيك يا ابو جوده . ومنور المنتدى كله والله

نونه . تعرفى ان انا كنت كده الاول وكنت برده بقول منا عايز اشوف الاحساس ده واجربه
بس نصيحه من اخ ليكى فى المنتدى . خليكى كده احسن ههه اه والله حره نفسك

نهر الحب زى منت بتقول يا مزيكا معجبه بالتوبيك بس احنا عيزنها تشارك وتحكى قصة حبها

التوبيك ده من فطره كبيرة اوى . بس ياريت يشتغل تانى وفى اعضاء جديده موجوده تخش تشارك معانه .

الشاب الرايق

مدحت بسيونى