احسن من الاول للشاعر علي سلامة

عضو جامد عدد الرسائل : 721

الي جميع اعضاء بوند الحلوين
انا جيبتلكو النهاردة قصيدة للشاعر علي سلامة
بجد انا عايزكو تصحو وتفوقو
اوعو تكونو نايمين

أحسن م الأول

قولنا النضافة م الإيمان..

البلد بقت أوسخ م الأول..

رفعنا شعار الأمن والأمان..

الخوف بقي أكتر م الأول..

كهربنا السور..

حطينا سم فيران..

الحرامي بقي أشجع م الأول..

اتعلمنا لغات..

وعلوم بيئة وإنسان..

الجهل بقي أبشع م الأول..

وفرضنا ضرايب..

ع الهوا والموت والأحزان..

ضهر البلد انحني أزيد م الأول..

وعندنا زيادة ف عدد السكان..

بس احنا أقل كتير م الأول..

ومحمد وحنا..

بيتقابلوا بالأحضان..

بس الحضن..

مش صافي ليه زي الأول..

وأنا وانت سوا ف كل دقيقة..

وكل مكان..

لكن مش شايفين بعض زي الأول..

وأهو ميت مسنود علي عيان..

وبيتمني العمر يطول..

يمكن..

يمكن..

يرجع أحسن م الأول.

المعالي جروووووووب.

عضو سوبر مزاجى : عدد الرسائل : 6748

ههههههههههههههههه
جامده اوى يا زيكو
ميرسي يا جميل على القصيده دى

عضومميز عدد الرسائل : 1232

دواااااااااااااااااااااااااااااااااااااااااااااااااااااااااااااااااااااااااااااااااره يا زيكو

كل حاجة مش زى الاول

طول عمرك جامد وبتجيب الحجات الجامدة اللى زيك

عضو جامد عدد الرسائل : 721

ربنا يخليك يا تووووووووووووووحة
وفعلا هي الدنيا كدا الوقتي

عضو جامد مزاجى : عدد الرسائل : 567

دماغك انت فى الدنيا يا زيكووووووووووووووووو

ياعم سيبها فى حالها اللى فيها مكفيها

قصيده جميله يا زيكو

ميرسى يا غالى

عضو جامد عدد الرسائل : 721

ميرسي يا حمادة وديما منور الدنيا كلها

عضومميز عدد الرسائل : 1338

قصيدة جميلة اوى
نايس توبيك
أحلى كلام

عضو جامد عدد الرسائل : 721

ميرسي يا ياسو علي مروركـ الطيب

عضو نشيط مزاجى : عدد الرسائل : 386

حلوة قوووووي قوي القصيدة يازيكو
وفعلا مبقاش في اي حاجة زي الاول حتي النفوس مبقتش صافية
الناس بقت قدامك بحال ومن وراك بحال
ومتعرفش ع مين هترمي اللوم ع الزمن ولا الاوضاع ولا ع الناس
واهو كله بيرمي ع كله