| يوم من رمضان مع نونا ( اللي هو انا يعني) | |
|
+7خارج على القانون stolen girls hearts sheeetos نسمه حنان معالى الباشا الباشا تلميذ Mysterious figure 11 مشترك |
كاتب الموضوع | رسالة |
---|
Mysterious figure عضو نشيط
مزاجى : عدد الرسائل : 386
| موضوع: يوم من رمضان مع نونا ( اللي هو انا يعني) السبت أغسطس 29, 2009 12:39 am | |
|
تبعا ايام رمضان دايما بيبقى فيها مواقف خاصه كده ومفاجئات غير متوقعه
ونظرا لان النهاردة خلاص بقينا 8 رمضان هنختار 8 اعضاء مرة واحدة يحكوا سوري بقي بس لازم نلتزم بال 30 حكاية ورونا الهمة[/size] | |
|
| |
Mysterious figure عضو نشيط
مزاجى : عدد الرسائل : 386
| موضوع: رد: يوم من رمضان مع نونا ( اللي هو انا يعني) السبت أغسطس 29, 2009 12:48 am | |
| اول 8 اعضاء معانا
نسمة حنان مستر بوند شيتوس ياسو معالي الباشا lovely boy
الفتي الطائش ابراهيم الامام
وهسيب بقي المسئولية ع مستر بوند انه يعرف الاعضاء انهم معانا ف التوبيك ويعرف نفسه كمان
| |
|
| |
الباشا تلميذ عضومميز
عدد الرسائل : 1232
| |
| |
Mysterious figure عضو نشيط
مزاجى : عدد الرسائل : 386
| موضوع: رد: يوم من رمضان مع نونا ( اللي هو انا يعني) الأحد أغسطس 30, 2009 3:51 am | |
| ثانكس ع مرورك ياقمر نورت التوبيك انااخترت كده عشوائي لاني لسة معرفش الاعضاء كويس والحمدلله محدش عبرني من التمانية اللي اخترتهم والمفروض اني هختار النهاردة بقي التاسع اللي هو هيبقي حضرتك معاك المايك | |
|
| |
الباشا تلميذ عضومميز
عدد الرسائل : 1232
| |
| |
معالى الباشا عضومميز جدا
مزاجى : عدد الرسائل : 3815
| موضوع: رد: يوم من رمضان مع نونا ( اللي هو انا يعني) الأحد أغسطس 30, 2009 9:11 am | |
| ميرسي ياجميل علي التوبيك التحفه ده وبجد انتي افكارك حميله قوووي وانا بتمني من بقيت الاعضاء التفاعل معاها وانا لما يجي عليا الدور ححكي علي طووول بس متنسينش انتي بقمر الدين وخلي الحساب تاتا تاتا ههههههههههههه منوره ياجميل | |
|
| |
نسمه حنان عضو سوبر
مزاجى : عدد الرسائل : 6748
| موضوع: رد: يوم من رمضان مع نونا ( اللي هو انا يعني) الأحد أغسطس 30, 2009 9:45 am | |
|
ميرسي يا جميل على اختيارك ليا وانا هرد عليكى
من التامنيه
&&*******************&&
انا بحب رمضان جدا جدا من صغرى يمكن محدش يصدق كلامى اوى بس انا بصوم رمضان كله
من وانا فى اولى ابتدائى مكنتش بتعب منه خالص كنت بحبه جدا
ولغايت دلواتى عمرى ما تعبت من الصيام وبصوم رمضان كله والحمد الله
اما على يوم
انا بقى يا سيتى يومى عادى جدا بصحى كل يوم الساعه 10 الصبح
بقوم اغسل وشى واخد شاور وافطر كوكى بياكل ومش بيراعى شعورى خالص
ههههههه وبلعب معاه شويه وبعد كده بفتح الكمبيوتر واقعد على النت
وارخم على اصحابى وده الطبيعى بتاعى هههههه
تيجى الساعه 12 الظهر اقوم اصلى ومبين التلفزيون والكمبيوتر
لغايت ماما تيجى من الشغل ادخل معاها المطبخ واحضر معاها الفطار
وطبعا طبق السلطه مسؤليتى الشخصيه بعمله جاااااااامد جدا هبقى اجبلكم طبق مره كده
وبنكون عزمين قريبنا على الفطار عندنا
بعد الفطار اقوم العب مع كوكى تانى ونجرى وراء بعض واتفرج على التلفزيون
بس مش كتير يعنى وصحباتى يكلمونى وننزل كلنا نتمشى وتفرج ونلف فى المنطقه كلها ويا سلام لو اخدت كوكى معايا وانا نزله بيكون يوم مش فايت الشارع بيتلم علينا عاوزين كلهم يلعبوا معاه وبرجع على الساعه 11 كده بقعد مع قريبى وبجمع اطفلهم فى اوضتى واشغل اغانى ونهيص كلنا
وبعد كده هما بيمشوا وانا بقعد على الكمبيوتر اكلم اصحابى وافضل صحيه لغايت الفجر
وادخل انام على الساعه 6 الصبح
واقوم 10 تانى واعيد اليوم تانى من اول وجديد
&&*******************&&
اما على المواقف اللى حصلتلى فى رمضان
انا فكره موقف كنت انا صغيره ماما كانت بتعمل ماكرونه اسبكتى
فا انا كنت واقفه فى المطبخ وريحه الاكل مجننانى ونسيت خالصصصصص
انى فى رمضان وقولت ما اروح اشوف المكرونه استوت ولا لا
وماما كانت خرجت من المطبخ وسيبانى لوحدى
انا طبعا رحت جبت شوكه وطلعت مكرونايه واحده واكلت منها حته
لقتها لسه نشفه قول لالالا لسه مستوتش
وانا مسكها با ايدى ومنزله نصها فى الميه واطلعها وادوق
لالالالا لسه برضه وفضلت انزلها وادوق كذه مره اكلت مها كتير بالطريقه دى
وفاجأه ماما دخلت عليا وانا باكل قلتلى بتعملى ايه قلتلها باكل
فى حاجه قلتلى احنا فى رمضــــــــــــــــــــــــــــــان
لقتلك رميت كل اللى فى بقى بقرف واقول يا لهووووووى يا لهووووووى
انا فطرت انا فطرت وماما تضحك وتقولى هبله صغيره
مش انتى كنتى نسيه قلتلها اه قلتلى يبقى خلاص لسه صايمه
بس كل ما افتكر شكلى وانا عماله اكل واقول لسه مستوتش وانزلها واكلها تانى
افضل اضحك
&&*********************&&
ميرسي يا جميل على الفكره الجميله دى
| |
|
| |
sheeetos عضومميز
عدد الرسائل : 2403
| موضوع: رد: يوم من رمضان مع نونا ( اللي هو انا يعني) الأحد أغسطس 30, 2009 10:31 am | |
| بسم الله ماشاء الله دنا فيهم ياجماعه ان لله وان اليه راجعون مشكوره ياجميل على الفكره الجامده دى وانتظرو بقى يوم من ايامى فى رمضاااااااااااااااااان | |
|
| |
stolen girls hearts -:[ مشرف ]:-
مزاجى : عدد الرسائل : 1765
| موضوع: رد: يوم من رمضان مع نونا ( اللي هو انا يعني) الأحد أغسطس 30, 2009 11:37 am | |
| انا عاوز معالي الباشالاوبوند يحكوا وبجد الفكره شريره قوووووي وانا زعلان لان الشرير مش موجود هنا وهوه انابس يلا انتوا الخسرانين | |
|
| |
خارج على القانون عضو جامد
عدد الرسائل : 721
| موضوع: رد: يوم من رمضان مع نونا ( اللي هو انا يعني) الأحد أغسطس 30, 2009 12:56 pm | |
| ميرسي يا قمر علي التوبيكـ الجامد ده فعلا واضح ان حضرتكـ عاملة شغل في وقت بسيط جدا وظاهرة بشكل جميل في المنتدي
5aReG 3la 2lKaNoN | |
|
| |
Mysterious figure عضو نشيط
مزاجى : عدد الرسائل : 386
| موضوع: رد: يوم من رمضان مع نونا ( اللي هو انا يعني) الإثنين أغسطس 31, 2009 6:24 pm | |
| ايه ياجماعة هو انتوا مشفتوش الاسامي ولاايه انااصلا كنت مختارة بوند ومعالي الباشا ادي اول تمانية اختارتهم
نسمة حنان مستر بوند شيتوس ياسو معالي الباشا lovely boy
الفتي الطائش ابراهيم الامام
وهسيب بقي المسئولية ع مستر بوند انه يعرف الاعضاء انهم معانا ف التوبيك ويعرف نفسه كمان
وبعد كده رجعت اختارت الباشا تلميذ
| |
|
| |
Mysterious figure عضو نشيط
مزاجى : عدد الرسائل : 386
| موضوع: رد: يوم من رمضان مع نونا ( اللي هو انا يعني) الإثنين أغسطس 31, 2009 6:32 pm | |
| ثانكس قوي للباشا تليمذ ع اليوم الرمضاني الجامد ده بس في سؤال حيرني شوية انت مش عندك 15 سنة زي مافي البروفايل بتاعك ايه بقي موضوع الشركة والشغل ده؟
ثانكس يانسمة ياقمراية ع الموقف الذيذ بتاع المكرونة وع يومك الذيذ ده كل سنة وانتوا طيبين وثانكس لكل الاعضاء اللي نوروا التوبيك
| |
|
| |
Mysterious figure عضو نشيط
مزاجى : عدد الرسائل : 386
| موضوع: رد: يوم من رمضان مع نونا ( اللي هو انا يعني) الإثنين أغسطس 31, 2009 6:35 pm | |
| ومعانا ف اليوم العاشر من رمضااااااااااان stolen girls hearts
| |
|
| |
معالى الباشا عضومميز جدا
مزاجى : عدد الرسائل : 3815
| موضوع: رد: يوم من رمضان مع نونا ( اللي هو انا يعني) الثلاثاء سبتمبر 01, 2009 3:23 am | |
| ميرسي ياجميل علي الفكره الهايله دي بس لو مكنش فيه ديسكو ههههههههههههههههه بالنسبه ليومي في رمضان هوه يوم بيكون استثنائي شويه يعني مواعيد الخروج بتتغير ومواعيد النوم برده انا بصحي بدري الساعه 2 او 3 الظهر ده لو كان النت فاصل او مفيش شبكه ومحدش يدقق في كلامي ولو كانت الشبكه كويسه والنت موجود بصحي متاخر حوالي الساعه 12 الظهر كده طبعا بغير هدومي وانزل الجامع لو لحقت الصلي جماعه ولو ملحقتهاش وصحيت بدري بصليه في البيت وبعد كده بفتح التليفزوين اتفرج علي مسلسل ابن الارندلي وبعد كده بفتح الايميل بتاعي بشوف رسايلي واشوف اصحابي عشان لو كان فيه ماتش في الدوره الرمضانيه اصل انا بحب الرياضه جداااااااا انا احسن مشجع في مصر ههههههههه بروح لصحابي ونروح نتفرج علي المااتش ولو مكنش فيه ماتش يبقي فيه عبوده ماركه مسجله وبعد كده بدخل المنتدي خمسه سياحه علي السريع كده اشوف الجديد لو فيه توبيك عجبني برد عليه مكنش خلاص ادخل علي المنتديات التانيه خمسه سياحه برده وبعد كده ادخل البلكونه وابص فيها من فوووووووق علي الحاره كلها اصل انا في عماره بقي ودي بقي بتكون احسن حاجه في اليوم يعني بفكر شويه كده مع نفسي عن ايه اللي حمله الايام الجايه وكده يعني زي مابيقولوا في علماء النفس في علم الاحياء خلوه شرعيه مع نفسي ههههههههه وبعد كده افطر وطبعا واهم حاجه لازم اقول بسم الله الرحمن الرحيم واغسل اديدي من الكخ ودعما مني للحاجه في غسيل الاطباق عشان كده لازم امسح الاطباق كلها عشان ميبقاش فيها اي حاجه تستدعي انها تغسلها بالميه (محدش يقول في سره ان انا مفجوع لاني سامعكم) بعد الفطار علي العشي كده بروح انا واصحابي لو كان بوند موجود او ناس تانيه عند واحد صاحبنه في محل موبايلات نعد معاه ونضحك ونتكلم شويه علي مابقيت الشله تيجي وبعد كده نروح بربطه المعلم لمحطه القطر ودي بقي احلي منطقه اثريه في بلدنا احنا مسمينها (السكه الجديده ) نعد شويه وبعد كده نروح اعد علي النت وطبعا بعمل اوف لاين علي اصحابي لانها مش ناقصه وجع دماغي همه كانوا لسه معايه من شويه وفي وشي علطووول لزمتها ايه بقي كتر الرغي علي الايميل هههههههههههه مش عارف والله وبعد كده لو فيه سحور اتسحر واصلي الفجر واعد شويه وادخل انااااااااااااام | |
|
| |
Mysterious figure عضو نشيط
مزاجى : عدد الرسائل : 386
| موضوع: رد: يوم من رمضان مع نونا ( اللي هو انا يعني) الثلاثاء سبتمبر 01, 2009 10:04 pm | |
| هههههههههههه يعني من الاخر يومك نوم واكل وتساالي لكافة انواعها بقي هههه والله ف الروقان | |
|
| |
ياسو عضومميز
عدد الرسائل : 1338
| موضوع: رد: يوم من رمضان مع نونا ( اللي هو انا يعني) الثلاثاء سبتمبر 01, 2009 11:46 pm | |
| اولا احب اشكرك على التوبيك الهايل ده ثانيا : انا فى رمضان يومى عادى جدا انا فى رمضان اول حاجة بصحى الساعة 12 بصلى الظهر واقعد مع نفسى فى غرفتى لوحدى ممكن اقرا قران وساعات بنام تانى واقوم اصلى العصر واقرا قران تانى لحد المغرب وبعد الفطار بنزل اقعد مع اصحابى نلعب كورة او ممكن ننزل روكسى او اى منطقة وافضل فى الشارع لحد الساعة 3 اوفضل صاحى لحد الفجر انزل اصلى الفجر وساعات اقعد بعد الفجر مع اصحابى فى البلاكونةاو فى الشارع وبعدين بنام وهكذا .............. ___________________________________ انما افضل يوم فى رمضان عدى عليا كان يوم فى السنه اللى فاتت كنا معزومين والعيلة كلها اتجمعت فى اليوم ده قعدنا قبل الفطار نلعب كورة لحد ما اتشوينا لعب وبعدين فطرنا وبعد ما فطر قعد نهظر ونتكلم ولعبنا كورة تانى واليوم خلص بس واحب اشكرك على التوبيك الهايل ده
| |
|
| |
الفتى الطائش عضو جامد
مزاجى : عدد الرسائل : 567
| موضوع: رد: يوم من رمضان مع نونا ( اللي هو انا يعني) الأربعاء سبتمبر 02, 2009 6:06 am | |
| اولا احب احييكى على المجهود الجامد اوى ده وبجد اثبتى نفسك فى فتره قليله اوى
ومدحت بيه زى ما اتفضل قدم يومه فى رمضان ....... بس بقول لك يا توحه هو انت بتقوم تصلى الظهر وتقرأ قرأن ....... مش عارف ليه يا توحه قلبى مش مصدق ... هههههههههههههه
حبيبى يا توحه والله
وبعدين ياستى مدحت عنده 19 سنه مش 15
بس احنا بس اللى بنحب نعتمد على نفسنا بنشتغل يعنى شايلين المسئوليه من الصغر
وتوحه شغال هو وخارج على القانون فى شركه فى مصر .... شوفت يا عم مظبطك اهوووووو
من الحق احكى يومى فى رمضان .........
انا يومى مش بيبدأ من الصبح ... لا بيبدأ من الساعه 4 العصر
بقوم من النوم اصلى الظهر والعصر ومش هقول بقرأ قرأن كتير لا عادى كده يعنى عشان لازم اخلص المصحف فى رمضان .......
وبعدين اروح شغلى فى محلى ........
والفطار اروح افطر فى البيت ......
وارجع الشغل تانى بعد الفطار .........
والايام اللى بكون خارج فيها بخرج مع اصحابى لما يكون مدحت وزيكو هنا .......
مش ورايه ميعاد بفضل فى الشغل لحد السحور .........
اتسحر فى المحل .........
اروح اقعد على النت شويه .........
انام ............
وهكذا ...........
ده يومى فى رمضان .........
فى غير رمضان بقه ......... بلاوى بتحصل ... احنا صايمين ..... بلاش احسن
هههههههههههههههههههههههههههه
اتمنى اكون خيف عليكم
سى يو سوووووووووووون | |
|
| |
lovelyboy عضومميز
مزاجى : عدد الرسائل : 1064
| موضوع: رد: يوم من رمضان مع نونا ( اللي هو انا يعني) الأربعاء سبتمبر 02, 2009 3:59 pm | |
| سوري يا نونا والله انا مكنت اقصد اني مدخلش الموضوع لاني اول مره ادخل ومعرفش اني مطلوب فيه
هوه اليوم بتاعي بيدا اني بصحي من الساعه 2 اولا بصلي الظهر وبعدين بفضل قاعد شويه اتفرج علي التلفزيون واحيانا بقعد علي الكومبيوتر لغاية ما العصر يأذن وبعدين بلاقي بابا واخويا راجعين من الشغل بنقعد مع بعض شويه وبنصلي العصر واحيانا بابا بيقرا قران بروح اقرا معاه شويه وبعدين بابا بيروح ينام شويه وبعدين بلعب انا واخويل علي البلاي ستاشن شويه لغاية المغرب وبعدين المغرب بيدن بنصلي المغرب ونفطر ونرتاح شويه بعد الفطار عشان الوجبه المتينه الي احنا بناكلها ...ههههههههههه وبعدين بنشرب الشاي والقهوه ونقعد نقعد مع بعضينا شويه وبعدين العشا بتدن فبنروح نصلي العشا ونصلي الطراويح وارجع بقي اقعد علي الكومبيوتر لغاية ما اخويا يجي يقعد اقوم قام ورايح اتفرج علي التلفزيونوبعدين بقي اخويا بيقوم واروح اقعد مكانه لغاية الفجر وبعدين اصلي الفجر واقعد اتفرج علي التلفزيون لغاية الساعه 6 واقووووووووووووووم نايم
...............وهكذا تمر الايام
بس انا بجد متاسف علي اني جاوبت متاخر | |
|
| |
ابراهيم الامام عضومميز
عدد الرسائل : 1064
| موضوع: رد: يوم من رمضان مع نونا ( اللي هو انا يعني) الأربعاء سبتمبر 02, 2009 5:19 pm | |
| مكنتش اعرف نونا انى مطلوب معلش *********************
والله ايام رمضان معايا مش مظبطه يوم فى الشغل( فى الكهربه يعنى) فبصحى بدرى شويه الساعه 8 يعنى وبرجع العصر
واقعد بأه لو فى مشوار بروحوا مفيش ممكن اقعد على الكمبيوتر
وبعدين المغرب يأذن اروح اصليه وارجع افطر واريح شويه وبعدين اشوف اصحابى منهم ( مؤمن شيتوس )
علشان نصلى العشاء والتراويح وبعدين نطلع لو فى تمرين بنروحوا
وبعدين نلف بأه لما للساعه 12 و 1 حسب الظروف البيت
ونرجع نكمل اتلسهره على الكمبيوتر للفجر نصلى ونام
وعلى كده رمضان يا جماعه اى خدمه
عدل سابقا من قبل ابراهيم الامام في الأربعاء سبتمبر 02, 2009 11:27 pm عدل 1 مرات | |
|
| |
Mysterious figure عضو نشيط
مزاجى : عدد الرسائل : 386
| موضوع: رد: يوم من رمضان مع نونا ( اللي هو انا يعني) الأربعاء سبتمبر 02, 2009 6:07 pm | |
| بجد ميرسي لكل الاعضاء اللي شاركوا معايا ف التوبيك وكل رمضاااااان وانتوا بخير يااااااااارب | |
|
| |
lovelyboy عضومميز
مزاجى : عدد الرسائل : 1064
| موضوع: رد: يوم من رمضان مع نونا ( اللي هو انا يعني) الأربعاء سبتمبر 02, 2009 10:49 pm | |
| | |
|
| |
ابراهيم الامام عضومميز
عدد الرسائل : 1064
| موضوع: رد: يوم من رمضان مع نونا ( اللي هو انا يعني) الأربعاء سبتمبر 02, 2009 11:25 pm | |
| وانتو طيبين بجد موضوع جامد مشكوره اوى اوى Mysterious figure
| |
|
| |
| يوم من رمضان مع نونا ( اللي هو انا يعني) | |
|