حكايه ميدو ...!!

موضوع: حكايه ميدو ...!! السبت يوليو 04, 2009 9:16 pm

كان يامكان
ياسعد يااكرام
مايحلي الكلام الا بذكر النبي عليه الصلاه والسلام
كان في ولد صغنون في تانيه ابتدائي كان اسمه ميدو
ميدو ده كان شاطر اوي فيالمدرسه وكان بيسمع كلام باباه ومامته
بس كان عنده عيب كبير خالص
كان عيبه ان فضولي وبيحب يعرف كل حاجه حتي ولو كان مش هيستفيد منها حاجه
المهم
في يوم
جه ميدو من المدرسه وقال لمامته انا النهارده اتخانقت مع علي صاحبي في المدرسه
ردت عليه مامته وقالتله ليه ياميدو؟
قالها عشان انا كنت بسألها عن اهله وصحابه ومكانش راضي يقولي وقعدت اسأله كتير عشان يقولي
وفي الاخر زعقلي وقالي انت مالك دي حاجه متخطكش
ضحكت ماماته وقالتله ياميدو
انت غلطان كل واحد ياحبيبي وله خصوصياته اللي بيحب يحتفظ بيها واللي بيدخل فيما يعنيه بيسمع مالا يرضيه
قام ميدو وهو مفهمش كلمه مامته الاخيره وراح يحل الواجب
وبالليل نام ميدو وراح في النوووووووم خالص وحلم بحلم غريب
مره واحده لقي ميدو نفسه في مدينه غريبه خااااالص
في بيوووت كتييير والمباني بتاعتها عاليه اوي
ولقي لوحه مكتوب عليها "مرحبا بكم في مدينه الفضوليين"
ميدو قعد يكلم نفسه ويقول انا فين انا ايه اللي جابني هنا
سمع صوت من وراه وواحد بيقوله انت هنا في مدينه الفضوليين اهلا بيك
بص ميدو وراه ولقيولد في سنه تقريبا
قاله انت مين
رد عليه الولد وقاله انا صاحبك في المدينه هنا تعالي معايا
وهما ماشيين في الطريق لقي ميدو الناس كلها بتبص عليه
سال صاحبه قاله الناس دي مين وبيبصوا عليها كده ليه وكان مضايق خاالص خالص
رد عليه صاحبه وقاله دول الفضوليين اللي عايشين هنا في المدينه
ميدو قاله بس دول بيضايقوني
قالو هما كده الفضوليين دايما بيضايقوا الناس زييك كده
ميدو قاله بس انا مش فضولي
قاله لا انت فضولي ولا نسيت صاحبك علي
سكت ميدو ومتكلمش وفضل ماشي مع صاحبه لحد ماوصلوا لمكان
صاحبه قاله ده المكان اللي انت هتقعد فيه ده الفندق
وعطي لميدو مفتاح وقاله ده رقم اوضتك وقاله علي الدور بتاعها وقاله هشوفك بكره
راح ميدو اوضته ودخل فيها وشويه لقي خادم الاوضه بيخبط
قاله مش عايز مساعده؟انت بتعمل ايه؟
رد عليه ميدو وقاله لا شكرا
شويه وجابله الغدا
وقاله تاني انت بتعمل ايه مش عايز حاجه ؟
وكان قاعد يبص علي ميدو ويتكلم
رد عليه ميدو وهو مضايق وقاله لا شكرا
وكان ميدو مضايق اوي من فضوله
واتكرر الموقف ده كذا مره وكان ميدو مضايق اوي
المهم جه الليل وراح ميدو يتعشي
ورجع اوضته
لقي ايييييييه
؟
لقي الخادم بيفتش في الحاجات بتاعته
اضايق اوي ميدو
وقاله انت بتعمل ايه عندك
قاله مفيش انا كنت بدور يمكن تكون محتاج حاجه
اضايق اوي ميدو وراح لمدير الفندق
وقاله انا لقيت الخادم بيدور في حاجتي
رد عليه المدير ببرود وقاله
ايه المشكله
وبص للخادم وقاله ها لقيت حاجه؟
سكت ميدو وكان مضايق اوي اوي وراح علي اوضته
وهو مضايق من كل الفضوليين
كان الكل بيراقبه
الكل بيبص عليه
وكانت ليله صعبه اوي علي ميدو
وجه الصبح ودخل حد علي ميدو وقاله
صباح الخير ياميدو
ابتدي ميدو يفتح عينيه وحس انه اخيرانام بعد الليله الصعبه اللي قضاها
وسمع صوت بيقوله
ها فهمت الكلام
فكر ميدو وقال كلام ايه
قال اه فهمت وياااااه ده كان درس قاسي عليا اوي
وعرفت ان الفضوليين دول ناس مزعجيين خالص
وبيضايقوا الناس
وفتح عنيه لقي ماماته قدامه
قاله ياااااااه ده كان حلم وحش خالص
وراح المدرسه واعتذر لصاحبه علي عن اللي عمله
وتوته توته خلصت الحدوته
حلوه؟
ولا ملتوته؟

عضومميز عدد الرسائل : 1232

لاء طبعا حلوة اوى

ويا اعضاء يا حلوين اللى يعمل زى ميدو وياكل من على الارض بطنه هتوجعة ههههههههه

ايه يا بوسى العسل دة دة ميدو شاف حلم جامد

وتقبلى مرورى يا عسل .

عضومميز عدد الرسائل : 2403

حلوه مش ملتوته
بجد قصه حلوه اووووى
بوسى ويارب كل الفضولين يتعظوا من ميدو
ميرسى ياجميل

عضومميز عدد الرسائل : 1338

مشكوررررررررررررررة
يا بوسى على التوبيك الرائع ده

عضو نشيط مزاجى : عدد الرسائل : 386

هههههههه
فكرتني بحواديت ابة فضيلة بتاعت الراديو كنت بسمعها زماااااان وانا صغيرة

ثاانكس ع الحدوتة يابوسي